Io es de accordo con le argumentation de Thomas Breinstrup (presentate ora
per Erik; le thema que itero e itero emerge es vetule, le responsa es sempre
le mesme). Le moneta post le abonamentos al Panorama probabilemente es un
del sol (o del plus importante) fontes financiari pro le UMI.

Ma essente de accordo etiam con Jasef Harb, secundo me nemo serea
damnificate financialmente, si le ancian numeros del Panorama serea
attingibile in le rete gratuitemente. Tanto plus, pois que io mesme serea
curiose super - e volerea haber - le vetule numeros del Panorama;
specialmente tales, le quales io non ha. (Del resto alicun articulos
selectionate de vetule numeros de Panorama ja ora son attingibile a
http://www.interlingua.filo.pl/lecturas.htm .) Il ha mesmo libros mandabile
del Servicio de Libros e parallelmente il ha etiam libros electronic in
interlingua. Un tal practica anque in le affaire del Panorama mesmo
resultarea plus abonatos e non reducerea le numero de illos (p. ex. io
prefere leger textos plus longe in forma imprimite e non del schermo).

Sub le adresse http://www.interlingua.filo.pl/lecturas.htm io lege, que: >>©
Panorama - "Es permittite usar le material pro le inseniamento e
documentation de interlingua in le mundo."<<

Forsan io o alicuno deberea crear un sito de internet que collige omne le
numeros e articulos del diverse revistas in interlingua disponibile
electronicamente (illos del Panorama, Confluentes e forsan anque illos de
Internovas) a un loco. (Un tal sito / pagina ja es disponibile a un altere
lingua auxiliar.) Ma io non sape assatis super le derectos. On forsan ha le
derecto facer ligamine al pagina polonese continente le articulos del
Panorama, pois que illos ja appare in le rete; ma como a ager con le numeros
de Internovas, que - quanto io sape - se divulga solmente per posta
electronic e non per paginas de internet, de plus in formato MS Word...
Forsan on haberea le derecto facer altere formatos (p. ex. in Adobe Reader -
.pdf o html, etc.) ex illos, facente los conforme al formatos de altere
revistas?

A revider in le canal #interlingua del IRC hodie! Le chat comenciara post
duo horas calculate de ora.

Péter

--
Pro disabonar te: http://listserv.icors.org/archives/INTERLNG.html