Allan et al.!
Ecce un tentativa de traduction. ATTENTION: Texto ancora non submittite a
revision. (Io debe exir del officio ora!)
http://www.kauppi.net/mina-puheita_yk.htm
Secretario General Sr. Kofi Annan,
Commissario Vitorino,
Sra. Simone Veil,
distincte invitatos,
Senioras e Seniores,
Io non pote exprimer lo quanto io apprecia le chance de adressar iste
celebration historic del qual nos totes ha le opportunitate de participar
hodie.
Io es tamben multo honorate per le invitation del Commission Europee pro
representar le Parlamento Europee in iste evento.
In le periodo del eliminatorias del NBA, io lo pote contar vos ora mesmo,
io me senti como un ver novicio. Stante hic in le estrade pro le
primissime vice ante un audientia consistente de tantes de mi idolos
politic.
Io me effortiara al maximo pro dar vos un idea del vision de Europa e del
Union Europee del perspectiva de un membro nuper-electe del Parlamento
Europee.
-----------------------------------
Le fundation del identitate Europee
-----------------------------------
Per medie seculo, le Union Europee se ha ingagiate al ideas de pace,
stabilitate e prosperitate. Non solmente pro citatanos europee ma tamben
pro le societate human global como un toto.
Robert Schuman ha dicte: "Europa non sera facite tote a un vice, o de
accordo con un unic plano. Illo sera construite per medio de realisationes
practic que primo creara solidarietate de facto." Iste disveloppamento,
impulsionate per grande leaders europee, es ancora in progresso.
Como actores politic de hodie, nos debe vider nos como parte de un longe
catena de homines e feminas de stato illuminate e sage qui individualmente
ha apportate integration a nove nivellos e fornite a illo su substantia.
---------------------------
Le defias del globalisation
---------------------------
Totes admitte que le stato national es frequentemente un unitate troppo
diminute pro resolver grande problemas. E qual es le grande problemas?
Hodie illos non es solmente national o continental, ma sempre plus global.
Le globalisation es hic, malgrado si nos lo vole o non. Continuemente,
desde que barcas ha navigate le mares, messages ha essite livrate, nove
continentes ha essite trovate e le commercio se ha expandite, e mundo ha
diminuite.
Le arena del sabliero cade in un sol direction. E le passo se accelera
sempre.
Totes vole crear plus prosperitate e plus ben-esser pro le mundo. Nos pote
discordar super como nos debe attinger isto o como nos debe divider le
ben-esser, ma le objectivo fundamental remane le mesme.
Io crede que un economia mundial aperte e salutar es le melior strata a
plus elevate standards de vita pro le personas de tote le partes. Nos debe
naturalmente adjutar le personas ferite per le cambio, ma nos non les
adjuta obstruente le mercato unic o sabotante le negotiationes del OMC.
------------------------------------
Le responsa europee al globalisation
------------------------------------
Le Union Europee pote esser viste como un ponte inter le nivellos national
e global. Europa debe responder al globalisation assumente un leaderantia
forte, in le qual le principio guida debe esser que le focalisa labores
que exige effortios conjuncte.
Pro listar alcunes de istes defuas: nostre securitate commun;
melioramentos economic e avantiamento del agenda del OMC; gerentia del
revolution informatic; menacias ambiental; aspectos sanitari; e assi in
avante.
Correspondentemente, le Union Europee non deberea sub qualcunque
circumstantias interferer con materias melior manipulate a nivello statal
o local. Le principio de subsidiarietate debe sempre esser appreciate. Le
diversitate cultural es nostre fortia e un opportunitate. Le Union Europee
debe esser un partenario pro le personas qui prende decisiones localmente,
un alliato qui pote e va adjutar si necessari.
Le rapide disveloppamento del mundo non permittera que Europa remane
immobile. Globalisation, continue liberalisation del commercio mundial,
assi como nove crises ha testate e va testar le capacitate operative del
Union.
In reformar le Union Europee nos debe attinger un equilibrio adequate. Non
solmente inter institutiones ma tamben inter minor e major Statos-Membros.
Le operabilitate del Union es mesmo plus importante pro nationes parve
como mi pais natal, Finlandia.
In addition al effectivitate e al democratia, in reformar le prisa de
decisiones e le administration del Union nos debe accentuar le apertura e
le responsabilitate a fin de augmentar le confidentia del citatanos.
Le expansion al est es un altere processo que non deberea esser
interrumpite. Le UE deberea remaner aperte a tote le paises europee
ingagiate con le valores de economia de mercato, democratia e derectos
human.
-----------------------------------------------
Le Union Europee e su rolo in le Nationes Unite
-----------------------------------------------
Malgrado le facto que nos ha certo meliorate multo in cinquanta annos, a
vices nos debe recordar nos que iste cerca europee pro su rolo in le
dialogo global es ancora assatis juvene e es sub constante evolution.
Le integration que ha essite lanceate in le campo economic non pote
succeder plus super le base de solutiones mermente interne. Mesmo si nos
ancora debe travaliar con le mercato unic, al mesme tempore le Union
Europee debe aperir se al mundo e assumer su responsabilitates global.
A fin de complir ille responsabilitates, le Union debe cooperar con le
structuras create e con le organisationes existente e profitar del
experientia ganiate in le Nationes Unite. Per medio de un approche
integrate nos es plus potente pro eradicar le povressa, assecurar le
derectos human, crear empleos e facer le economina global e le structuras
international plus sensibile al necessitates basic de tote le esseres
human.
Le rolo del NU se ha disveloppate durante le decadas post le guerra.
Le patres fundatores del NU voleva crear un institution que poterea fornir
les responsas a problemas global.
Ma illes non confideva bastante a lo que illes habeva create pro dar lo
poteres independente e utensiles pro prisa de decision efficiente.
Alora, le Nationes Unite es tanto forte quanto su actores. E le actores
non es plus purmente Nationes Unite, ma bloccos regional e politic, le
Union Europee essente un del plus potente inter illos.
Le Union Europee debe esser un partenario forte pro le Nationes Unite.
Malgrado su debilitates, con le quales tote le organisationes
international debe luctar, le Nationes Unite ancora es le institution que
forma le base del cooperation global, coordina projectos de [governance]
global e promove pace e intendimento inter nationes.
Le precondition pro solutiones global es le capacitate del nationes
individual de abdicar a lor preferentias egoistic. Alcun valores universal
deberea superar le valores definite de accordo con interesses national.
Isto es difficile intra le Union Europee si tote le Statos-Membros se
prende al optiones que melior servi lor proprie interesses.
Le mesmo se applica al processo de integration europee in relation a
tertie nationes. Le interesse commun del citatanos europee es le
disveloppamento equilibrate e progresso in un nivello international, non
solmente le progresso attingite intra le Union.
Il es per illo que nos ha necessitate desperatemente, e va necessitar, de
organisationes international que prende le responsabilitate global in vice
de focalisar interesses national o regional.
Le Nationes Unite es le foro pro cercar le equilibrio inter varie
interesses e le foro pro negotiar le solutiones commun. Interesses
divergente inter le nationes continua a exister ma nos non deberea jammais
lassar los crescer al puncto que le nationes necessita levar armas le unes
contra le alteres.
-------------------
Le modello europee?
-------------------
In le Nationes Unite, le Union Europee deberea promover le modo europee de
pensar, le "modello europee" como le Presidente Prodi lo ha exprimite.
Con iste modello, de accordo con Prodi, nos es capace de intergrar un
efficiente economia de mercato con le ideologia de ben-esser social.
Le unic problema es que iste modello non existe ancora.
In multe aspectos, le Union Europee non es tanto efficiente quanto illo
deberea esser. E le systemas de ben-esser social que pote haber essite
progressive in le decada de 1970 non es adequate al economia global de
hodie. Simple, illos non es sufficientemente flexibile.
Ma ora, post le Summitate de Lisbona, nos es in le puncto de trovar le ver
tertie via. Io es certe que es possibile crear un modello basate super le
economia de mercato que es economicamente efficiente e socialmente
justificate.
Le economia de mercato es le systema que nos forni le plus adequate
mechanismos pro maestrar le societates moderne. Non le economia de mercato
laissez-faire, ma uno plus controlate.
Le economia de mercato controlate deberea esser le utensile a usar tamben
in le paises in via de disveloppamento quando nos tenta diminuer le
povressa, meliorar le conditiones de vita, sanitate e derectos human pro
le tertie mundo, evitar le [digital divide] e dar a tote le esseres human
le chance de viver lor vitas in pace.
-----------------------------------
Le informatica e le societate civic
-----------------------------------
Le proxime generation ha un grande avantage super su predecessores: le
informatica e le nove e plus efficiente medios de communication. Nos
frequentemente audi personas parlar super le morte del distantias e le
morte del localisation. Isto es exactemente lo que illo representa.
Le nove innovationes technologic es de poc adjuta, non importa quanto
avantiate illos es, si le personas non succede a mantener le pace.
Consequentemente, duo dimensiones de apprentissage es essential. Primo, le
personas qui disveloppa technologias deberea apprender a resolver le
problemas basate super le necessitates del vita quotidian. Secundo, il es
le utilisatores final qui debe apprender como illes pote profitar del
technologia moderne, e como illo pote facer le cosas plus facile in lor
vita quotidian.
Pro transformar isto in realitate, nostre systemas educational debe
inseniar a totes le habilitates basic necessari in le societate del
information. Tamben, nostre studiantes debe esser incoragiate a innovar e
crear nove technologias pro le beneficio del proxime generation.
Le brave nove economia tamben apporta defias. Toto va evenir plus rapido e
le politicos ancora es tanto lente quanto illes ha sempre essite pro
comprender, [take up] e [act on] nove ideas. Le inertia del prisa de
decisiones politic cresce e cresce usque que nos debe admitter que il es
nostre ressources human que limita le disveloppamento.
-----------------------------------------------------------
Education como un base pro le disveloppamento e le successo
-----------------------------------------------------------
Solmente fortificante nostre ressources human nos pote promover
disveloppamento sustenibile economic, social e cultural. Le equalitate de
opportunitates es le fundation de un economia de mercato salutar.
Illo significa per exemplo le derecto de cata infante de obtener un
education basic e haber le opportunitate de esser capace de continuar a
nivellos plus alte de education malgrado le stato social o le racia del
studiante.
Le augmento de habilitates per medio del education es un prerequisito
fundamental pro un successose activitate interprenditorial e creation de
empleos. Education e recerca es le fundationes de nove innovationes,
ben-esser e crescimento intellectual.
Nos debe canalisar ressources verso crear un ambiente conductive al
innovation e verso disveloppar le societate del cognoscentia. Nos debe
incoragiar personas a facer le melior uso de lor capacitates e usar lor
ideas e habilitates pro le beneficio del mundo como un toto.
Le equalitate de opportunitates in le campo del education tamben [brings
forward] le melior talentos individual a servir le societate e a prender
cura del personas qui es minus fortunate e qui non succede a [cope in]
societate per se mesmes.
--------------------------------------------
In cerca de equilibrio, responsas e veritate
--------------------------------------------
Goethe ha scripte multe tempore retro:
"Non sonia sonios parve perque istes non ha poter pro mover le cordes del
homines."
E il es le cordes del citatanos que nos debe calefacer pro crear un futuro
plus brillante pro nos totes. Io es certe que, sin sonios commun e sin le
forte credentia que nos pote e va de facto attinger nostre sonios, nos non
ha motivos pro continuar iste travalio.
Senioras e Seniores,
Le Union Europee es un projecto progressive. Durante que illo continua a
tentar equilibrar le interesses del parves e del grandes, inter nord e
sud, e inter le prosperes e le minus fortunates.
Uno ha dicite que le globalisation puni le pauperes e recompensa le
riccos. Isto pote esser veritate, ma solmente si le communitate politic
global es incapace de trovar le contrabalancia pro le globalisation
economic.
Vetule receptas politic non pote dar nos le responsas.
Le [governance] mundial non es decidite per nos presente a iste evento.
Illo non es decidite in institutiones politic. Illo es decidite per
generationes, qui structura lor perceptiones del mundo per medio del
television e del communicationes computatorial.
Il es per isto que io vole finir mi discurso con le lingua que iste
generation intende e in le qual illo communica.
Le sapientia se origina del Agente Fox Mulder del X-files:
"Sonios es frequentementes responsas a questiones que nos ancora non ha
discoperte pro questionar. Necuno detene jurisdiction super le veritate.
Le veritate ancora es la foras."
E illo solo pote esser trovate in cooperation con alteres.
Piia Noora-Kauppi
Finlandia
Membro del Parlamento Europee
|
