Car Amicas e Amicos,

le AIPI - Mario e io - ha incipite un projecto pro introducer Interlingua
in le scholas primari de quante plus paises il sera possibile.
Nos ha duo stratas: illo del paginas moderatemente bilingue al adresse
http://famiglia.digiland.it/1220 e illo del paginas in sol Interlingua:
http://millennium.fortunecity.com/zebedee/682
pro le pueros e
http://members.xoom.com/Oncle_Mario
pro le teenagers.
Le paginas in sol Interlingua pretenderea de exploitar le voce e le
imagines, in ultra al texto.
Le paginas moderatemente bilingue - ubi un lingua national es presente in
le introduction, in le recommendationes pro le parentes e le inseniantes ,
e in le vocabularietto que, al fin, sera de circa duo milles parolas -
etiam illo pretenderea de expoitar particularmente le imagines, in ultra al
voce e al texto.

Scribe Ensjo, que io lege de longe tempore:

Ciao, Roberto Pozzi!

Con INTERLNG io ha obtenite jam multe adjuta in traducer articulos ab varie
linguas a Interlingua.
Io spera que tu trovara hic qualcunque adjuta que tu
eventualmente necessitara.
Esque nos potera leger le Gazetta AIPI sur le Internet?
"Un tuo amico dal Brasile".

Io regratia Ensjo e jam con su sol adjuta nos potera facer multo pro un
population de ultra 200 milliones.
Como Mario ha plus vices probate a scriber vos in iste ultime anno, nos
desirarea trovar in vos le nostre coautores. Ensjo poterea render le
italiano in portugese, Arturo o Jay in espaniol, Paolo o Stanley in
anglese, granpatre Jan o Kiell R. in svedese, et cetera. (io ha usate le
expressiones amical de Mario!)
Nos haberea le possibilitate de mitter in rete le pueros italian con illes
portugese,  espaniol et cetera.
Le Europa e Interlingua es del pueros.
Pro nos, Ensjo, le Brasil sera in UE.
Mario ha le convincimento que nos non attingera nihil ab iste lista,
totevia nos cercara traductores e nos forsan les trovara in nostre Italia.
Perque no?

Io spera que Mario se decipe e que Ensjo haberea ration.

Pro le Gazetta AIPI in internet io videra in iste dies.

Bon prime maio a totos!

Con mi optime salutes,

Rob

Roberto Pozzi
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
AIPI - Association Italia pro Interlingua
http://interlingua-aipi.com