Car Amicas e Amicos,
le nocte passate io non habeva voluntate de dormir, assi al hora 02:15 a.m.
de iste matino io laborava con mi computer. Iste vetule Mario!

In le silentio del nocte io senti Hotmail que me clama e io responde subito.
Era Tina, un trevisana qui vive in Alabama (USA) de quasi 40 annos e illa me
clamava pro le prime vice. Pro illa era le 08:45 p.m. circa, si io non
recorda mal, perque illa me lo diceva.
Al initio un message scribite: Es tu connectite, Mario? Car Tina,
certemente, oh como io volerea sentir tu voce! Connecte te, alora! Tina, tu
debe haber un momento de patientia perque, io ha tante amicos, ma con MSN
Messanger Service ancora uno, ma solmente uno, me clamava.
Pote tu attender un minuta?
Illa pote attender!
Io proba a connecter me a voce. Facilissime! Solmente un rapide controllo
del audition e del registration con mi microphono. Iste prime vice,
solmente! Toto vade ben! Postea un minuta: Ecce me Tina! Ciao, Mario! E nos
ha continuate, obviemente in italiano, per circa un hora.
Anque Tina se connecteva con MSN Messanger Service per un del prime vices,
ma anque Tina, como io, jam se connecteva a voce con altere programmas. Iste
personas qui ha ultra 50 annos, non mal, non mal!
Totevia, qual claritate de sono con MSN, il pareva de esser in le mesme
stanza. Io sentiva mesme le orologio in le camera de Tina batter le novem
hora.
Oh, io incontrava Tina a Treviso le mense de octobre passate, ma equalmente
nos habeva tante themas de recontar nos. E le americanos face isto, e face
illo, e ancora isto . . . Que te portara le Befana? Nihil, illa non veni in
Millbrook, Alabama! Iste anno, illa es multo presente in Italia, in
particular in le Sud, diceva nostre television, con expensas folle pro le
donos al pueros. In Alabama le negotiantes plange un adverse andamento del
venditas in le fin de anno passate . . .
E ancora, e ancora . . . Tina, te rende tu conto que nos parla ora de assi
tanto tempore como non jammais in le passato?
Tu ha proprie ration, Mario, e isto costa solmente le local connection a
Internet!
Favolose! Pensa le real distantia que nos ha! Considera circa 5,000
kilometros. Assi tanto?

Amicas e Amicos de iste lista, io jam pensava de haber fallite mi connection
con Hotmai. Necuno me clamava durante plus de duo menses!
O forsan io ora ha apprendite un cosa nove. Io heri habeva registrate le
adresse @hotmail.com de Tina que es @msn.com !

Que dicer con vos que, nonobstante io ha inviate plus invitation, necuno
vole parlar Interlingua?
Io ha parlate quasi un hora iste nocte con mi amica Tina! Possibile que a
necuno de vos veni voluntate de parlar pro practicar Interlingua?

O io provoca in tote vos un grande antipathia, e isto pote esser possibile,
o intra tote vos, necuno ha le corage de usar a voce iste Interlingua! Ma!
Io non comprende, ni io pote continuamente invitar vos.

Io debera passar al anglese con mi grande desperation! Ma, que servi
Interlingua si pro trovar uno io debe facer cosas del altere mundo?

Io inviara al listas ancora un vice un message de invitation. Le heroe qui
volera probar, antea me inviara un email, assi io le registrara intra le
personas que io cognosce e al qual io pote responder.
Alteremente parlar con personas que io non cognosce es de poco
sactisfaction. Isto non serea pro me, vermente, ma es le personas que me
clamava usque a ora que, postea le prime parolas, non sape que dicer.
Animo amicos, io non morde e, al contrario, io es un mar de themas e un
ascoltator multo disponibile. Oh! con anglese io es como un puero, o io
balbutia! No! qualque cosa nos dicera.

Al proxime message con le ultime (pro hodie) invitation,

Ciao,

Mario Malaguti

_________________________________________________________________________
Get Your Private, Free E-mail from MSN Hotmail at http://www.hotmail.com.