LE PRESIDENTE DEL PE APPELA A UN PARTICIPATION PLUS ACTIVE DEL PARLAMENTOS UE

Le Presidente del PE, Sr. Jose Maria GIL-ROBLES, ha proponite al curso del
Conferentia de Presidentes des Parlamentos del UE que se teneva in Vienna le
1me de decembre, que le Parlamentos national e le Parlamento Europee debe
participar in le preparation del futur reformas institutional del Union.
Contrari a aquello que esseva passate a Amsterdam, ille argueva que
Parlamentos national non debe esser obligate simplemente a decider unicamente
super le
ratification o non de un texte que jam ha essite signate: "Le participation
del Parlamentos es le sol maniera de assecurar que le proxime tractata
del UE essera clar e comprehensibile pro le cititanos, separante le
fundamental de aquello que es peripheral.

Sr. Gil-Robles monstrava scepticismo verso un idea expresse per alcunos, que
le numero de Commissarios debe esser reducite a minus que le numero de
statos membros. Le Commission, ille credeva, poterea devenir plus efficiente
per reducer le numero de portafolios e le attribution a altere Commissarios
de alcun cargas specific, toto durante que on mantene le principio del
collegialitate. Il esserea necesse a augmentar le poteres del Presidente
del Commission qui, si necesse, debe poter suspender un Commissario de su
functiones.

Sr. Gil-Robles equalmente diceva que le protocollo del Tractato de Amsterdam
providente pro le cooperation inter le parlamentos national debe esser date
alcun contento real. Ille ha equalmente demandate que tote le Portavoces del
Parlamentos national trova formulas de augmentar le cooperation e a assumer un
rolo active in le processo europee de facer le decisiones. E aquesto non
precluderea aquellos qui esseva subjecte a minus de coercitiones
constitutional
de establir inter illes un cooperation reinfortiate.

De News Report del Parlamento Europee, 02-12-98
Traducite per Stanley Mulaik