Car amicos!

Io es tanto desolate que io non ha habite accesso usque nunc a le
Internet. Primemente, io vole desirar vos un bon anno nove, e le
accomplition de omne desiros.
Nos es retornate, post un corte vacantia, in le schola e le laboro. Omnes
va ben, ma il es ver que nos ha pauc tempore. Totevia, io facera mi melio
pro scriber super le lista.
Io me gaude multo que il ha nove personas in le lista qui scribe bon
Interlingua.
Io oblidava que 15.01 es le Die de Interlingua. Gratias a Thomas
Breinstrup pro rememorar isto a nos! Simona e io crede que isto es un bon
occasion pro scriber parve articulos pro le mass-media in Romania. Nos
anque prepara un surprisa pro iste die, ma non es tanto secur que nos
facera toto in le tempore necessari.

Como ha essite vostre die del cambiamento del anno? In Romania iste es un
die multo importante, e post longe preparationes (a mi casa le
preparationes durava plus que un septimana) on ha un agradabilissime
serata insimul.

Nostre addresses postal non ha cambiate. Nos non pote reciper litteras in
Bucharest, ma nos cercara un casetta postal. Usque isto succedera, vos
pote scriber super nostre addresses regular.
Solmente io ha addresse e-mail: [log in to unmask]

Io debe reprender mi laboro nunc, ma io spera de rescriber tosto.

Optime salutes!
Simona e Florin