Stan,
Io me gaude que al minus un altere persona divide mi opinion. Io pote - si
io proba multissimo - acceptar que il ha plure linguas in le nationes
unite, ma in realitate il basta con un lingua. Omne le politicos qui lo non
sape pote usar un interprete.

Torbjörn Fäldin qui era prime ministro de Svedia al initio del octantas
parlava ante le assemblea general in le Nationes Unite in svedese, e io me
recorda que era multe commentarios acide a causa de isto, ma io le
defendava. Ille faceva como le majoritate de capos de stato. Tito in su
tempore etiam parlava serbo-croato al assemblea general. Tal que Fäldin
ageva in un bon tradition.

In le administration de cata pais il ha translatores e expertos qui
controla le lingua ante que on presenta un cosa in un assemblea
international. A mi aviso necuno parla sin manuscripto.

Io es de accordo que iste situation da favores a illes qui pote usar su
lingua maternal, ma isto significa poco in practica. Basta reguardar le
situation in le Union Europee. On jam ha problemas e de facto on non sempre
pote usar pro exemplo le svedese o finnese. Il ha troppo de linguas! Ma
germano, italiano e francese - pro solo mentionar alcunes - es naturalmente
necessari e es INDISPENSABILE pro uso. Stercore bovin, dice io, ille paises
pote finalmente apprender viver con un situation que es un cosa quotidian
pro le parve populos. E si illes non vole parlar anglese il ha interpretes.

Le situation hodierne non es bon e illo con le anglese etiam non es le
optime ma isto es lo que on pote facer in le situation presente. Viste que
on non vole colliger se circum interlingua que esserea le ideal in un multo
corte tempore.

Nostre previe premier Olof Palme habeva un bon situation. Jam como infante
ille habeva gouvernantes qui parlava francese e germano con ille e durante
su juventute ille viagiava per auto stop trans le Statos Unite como
studente de excambio. Ille maestrava - a mi aviso - anglese, germano e
francese. Si il solo esserea le capabilitate linguistic io certo esserea de
accordo con ille, ma politica non solo consiste de linguas....

Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden