>
>From:    Kjell Rehnstrom <[log in to unmask]>
>Subject: Re: Le esperantismo non es interlingua
>
>Stanley Mulaik wrote:
>
>>Isto es le esperantismo, Kjell. Interlingua es un extraction e
>>standardization de lo que jam existe in commun in le linguas
>>europee sub le influentia del latino (in tote su formas).
>>
>>
>Il es frappante que le gente in IALA non comprendeva iste finessa
>que
>Stan nunc ha discoperite. Ha il essite un gruppo de amatores e non
>linguisticos, que alcun inimicos de interlingua proba facer nos
>creder!?

A vices io me demanda iste question.... Ha alcuno a IALA usate
le suffixos de occidental pro guidar le recerca super le suffixos
pro interlingua?

>
>Kjell R
>

Kjell, io jam ha inviate te le evidentia linguistic super le qual
io basa mi opinion. Lege lo in loco de dar un argumento irrelevante.

Don Gaspar ha addite le information importante que le occidental ha
un special categoria pro receptaculos con le suffixo '-iere'.
Ric Berger ha indicate a nos que André Martinet esseva un occidentalista
ante le guerra mundial II, e Gode ha notate que multo del decisiones
linguistic per Martinet esseva predictabile per leger le Radicarium
de Edgar de Wahl.  Mais un examination del variantes in le linguas
contribuente romanic monstra que cata un del variantes de parolas que
ha essite date le suffixo -iera in le IED usava non un special suffixo
solmente pro isto, mais un variante de nostre '-era', que illes ha
usate con altere cosas que non esseva receptaculos, mais professiones,
etc..

Blair non esseva un philologo mais un inventor de linguas, qual
labor ille faceva con sra. Morris, qui voleva inventar un lingua
similar al esperanto, mais basate super le radices e suffixos
international producite per le linguistas.  Possibilemente ille ha
essite influentiate per le occidental in suggerer iste suffixo.

Gode non esseva un philologo romanic. Su Ph.D. esseva super le
obras de Goethe.  Martinet habeva le reputation de un philologo
romance. Possibilemente ille ha convincite Dr. Gode super isto.

Nos non sape exactemente como iste suffixo -iera ha essite create,
mais nos equalmente sape que illo non ha appoio linguistic in le
linguas romance como un suffixo distincte del variantes de -era.
E isto es contra le principios del introduction al IED. Studia le
evidentia.

Cordialmente,

Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================