Car Allan

Io consenti absolutamente con te que le anglese deberea esser simplemente un lingua national inter plures e que Europa deberea defender su diversitate cultural.

Io non appoia le uso del anglese como lingua franca.

Tamen io rejice le accusation que le anglese ha serie defectos. Isto non es plus defensibile que le assertion que le finnese ha un aspecto ridicule in scriptura. Ambes pertine al campo de subjectivitiates e reactiones personal que non merita inclusion in un serie tractamento de iste thema.

On non ha besonio de attacar le lingua anglese ipse pro establir un multo forte causa contra le rolo international del anglese.

Al altere latere nos risca alienar grande sectiones de nostre audientia potential si nos denigra un lingua particular in vice de sublevar su rolo inappropriate.

cordialmente
Edo