Per le auxilio de alcun membros in iste lista, nulle mentionate, nulle
oblivate io comprende que le IED ha ration e io per consequente non pote
haber problemas con platyhelmintes, solo con plathelmintes ! :-)
E certo non basta un buuu!

Tamen isto es un interessante exemplo ubi obviemente le termino scientific
pote variar in varie linguas. On poterea imaginar que si il es
_platycephalo_ il deberea etiam esser _platyhelminthe_, ma le vias de IALA
es a vices incomprensibile.

Il es assi que tote le linguas non sempre es de accordo de que es le
vocabulario scientific. Pro exemplo un _germanismo_ es un expression
idiomatic del germano in quasi omne linguas, ma lo que es un _svecicism_ in
svedese es un _svedisme_ in danese!

Nota un -philo que originalmente significa -amico e in le vocabulario
international evidentemente pote significar amico de un cosa, persona con
qui on voluntariemente face sex.

In svedese pro exemplo un _anglophilo_ es un amico al cultura anglese.
Nulle sexualitate!

Un francophilo es un amico de cultura francese. Nulle sexualitate!

On crederea nunc que un pedophilo era un amico de infantes, como Sancte
Nicolao o Patre Natal. Ma non del toto. In mi parte del mundo un pedophilo
es un persona criminal qui sexualmente utilisa infantes e es punite si
discoperite.

Un homophilo non es solmente un amico al humanos. Un tal se appella un
philantropo. Un homophilo vole facer sexo con su pares.

In svedia in prescolas il ha essite un numero de scandalos in le quales le
personela (personal?) se ha facite culpabile de pedophilia e essite punite.
On ha parlate tanto in re pedophilos que mesmo infantes ha facite le parola
un glossa domestic. In le preschola, que es situate in le proximitate de
ubi io habita, io audiva unquam un infante critante a un de su camaradas: -
Tu pedophilo futuente!

Tanto como _futurer_ e _feces_ (in anglese!) es parolas costumari in le
juvene generation, nos pote supponer que etiam iste parola essera un parola
pro abuso in le futuro.

Le fundo es, que on ha impleate viros in le prescholas, proque le infantes
non solo va incontrar feminas in le prescholas. Secundo mi comprension isto
ha essite un bon cosa, ma in alcun casos personas inadequate se ha dirigite
verso le prescholas, e si on va creder le medios cata viro qui labora in un
preschola es un pedophilo latente!

Le preschola es un institution como le jardines infantil que existeva in
annos passate, cognoscite per su parola german (Kindergarten) in multe
paises.

Per consequente io non me vole describer como un _interlinguaphilo_, le
parola pote esser miscomprendite! ;-)

Philantropicamente


[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35