Cliff,
Considera que vos es accollecte e ben venite a iste gruppo!

Si vos ha justo legite le notitia de Allan que il ha un gruppo pro
discuter themas etymologic e nove parolas in interlingua a cool-list, vos
sape que nos debe vader alla pro discuter plus iste questiones. Io es
culpabile per responder a alteros qui mitte questiones super iste themas
a iste gruppo. Mais io ha abonate me al interlingua-coollist e io attende
topicos a discuter in illo.  Si vos non jam ha inrolate se alla, invia
un message vacue a [log in to unmask] Vos essera
inrolate automaticamente.

Io ha inviate a vos e altere amicos de interlingua in le SUA un littera
que describe un nove procedura pro pagar vostre debitos a UMI e a
renovar vostre abonamento a Panorama. Pro rationes que io non vole discuter
aqui, le Interlingua Instituto non ancora collige tal moneta pro UMI.
Vos recipe vostre copias de Panorama gratis, mais UMI non pote facer lo
plus in le futuro. Leland Yeager, alquanto reluctantemente, ha acceptate
le responsabilitate de reciper iste moneta e a inviar lo a UMI in un
grande summa, pro minimizar le costos de excambio de dollares a guilders.

In le interim, io esserea interessate a apprender le detailios (nos va
certemente apprender los) del recente ferias de Allan.

E Cliff, que es vostre activitates?  Io ha justo pensionate me - in parte.
Io non realmente comprehende lo que isto significa pro me.  Io dice que io
es solmente semipensionate.  Como un professor io ha acceptate le carga de
inseniar duo cursos mie, proque mi schola non ancora ha trovate un
reimplaciamento pro me.  In altere respectos io es libere!  Necun plus
reuniones del facultate!

Stan Mulaik