E le crater non es le sol evidentia; ante de su discopera, in le
1970s, un strato global de iridium era trovate in le petros de etate
de 65 million annos in omne partes del mundo. Iridium es rar in le
terra, ma multo plus commun in asteroides. Il era iste discoperta de
iridium que ha originalmente causate le theoria del impacto meteoric.
E in le 1990's le crater de sufficiente dimension in le Yucatan, de
exactamente le etate que le theoria prediceva, era discoperite, in
confirmation del veritate de impacto que ha facite extincte le
dinosauros.

Mesozoicamente,
-Julio

---- Begin Original Message ----

From: Horacio Martinez <[log in to unmask]>
Sent: Fri, 24 May 2002 13:10:00 -0300
To: [log in to unmask]
Subject: Re: Enigmas pro Kjell

    De facto si il ha probas de iste catastrophe global. In le
peninsula de Yucatan, in Mexico, ha essite trovate un crater
gigantesc de circa 300 km de diametro (submergite partialmente). Iste
depression era descoperite casualmente a fin del annos 70 per sondeos
de puteos petrolifere que in ille loco ha arrivate a plus de 4000
metros de profunditate. Le rocas es multo comprimite in ille area e
le gravitate es anque superior al normal in ille loco. Scientistas
estima que le potentia del explosion era superior a 3000 megatonnas,
sufficente pro jectar milliones de tonas de material al atmosfera
provocante un "hiberno global" -per obscurar le sol- e un mini-era
glacial in tote le planeta. De plus in le Florida ha essite trovate
vestigios de un grande inundation contemporanee provocate per le unda
de tsunami consequentia del terribile impacto. On crede que le bolido
era un asteroide de circa 15 km. de diametro.

Salutes

Horacio Martinez
Interlingua in Argentina
www.interlang.com.ar


---- End Original Message ----




Interlingua es un lingua
artificial (create in 1951)
que es immediatemente e
facilemente comprehensibile
per personas con fluentia in
linguas derivate de latin. Si
tu desira plus information,
scribe me o visita le
sequente sito:
Interlingua, lingua international facile. Vide http://www.interlingua.com
____________________________________________________________
Get your own FREE Web and POP E-mail Service in 14 languages at http://www.zzn.com.