Ben que io prefere interlingua, le advocatos pro
altere linguas planificate pote adaptar le ressources
de "Interlingua in interlingua" pro lor proprie
linguas, si illes los trova utile.

Tal personas pote traducer ulles ex le documentos
"Interlingua in intelingua" a in lor linguas preferite
e mesmo adaptar mi curso como illes vole pro sparniar
tempore e effortio in lor travalio.

Io trova omne linguas planificate equalmente
interessante; e si mi effortios pro le promotion de
interlingua pote adjuvar le advocatos de altere
linguas in lor effortios, illes pote adaptar
"Interlingua in lingua" como illes vole pro lor
proprie projectos sin consultar me e con mi
benediction.

(Le textos del curso, sur le scientias, le viages, e
le interlinguistica es discargabile in Microsoft Word
pro facilitar iste processo.)

Como multe informaticos (pro exemplo illes que creava
Linux), io crede que omne le ressources del le Rete
debe esser disponibile gratis a omnes qui pote usar
los lo pro facilitar lor projectos personal.

Inter omne le linguas planificate, naturalmente io
prefere interlingua, e io crede que illo es le plus
apte inter su competitores como un ponte de
communication inter le linguas ethnic del Union
Europee.

Io es multo confidente que con le tempore omne le
avantagios de interlingua in iste rolo devenira
progressivemente plus obvie, e io non ha ulle timor
del competition offerite per le altere linguas planificate.

__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com