Io suppone que Aruba es un sito futur de un eclipse total del sol, nonne?

Un famose eclipse del sol occurreva in 1919.  Le astronomo brittanic,
Arthur S. Eddington ha usate le nove theorias de Albert Einstein del
relativitate a predicer que le gravitate del sol va attraher le lumine
de stellas que passa in su vicinitate, con un certe grado de dislocation.
Secundo le theoria de Newton le gravitate del sol dislocarea le lumine
solmente 0.87" del ratio r0/r, ubi r0 es le radio del sol e r le plus
proxime distance dislocate verso le sol del lumine de un stella in le
vicinitate del sol in le celo in comparison a su position quando le sol
es in un altere parte del celo.  Le theoria de Einstein faceva le
prediction de duple iste quantitate, 1.74".  Duo expeditiones esseva
expedite respectivemente a Principe in le Golfo de Guinea, West Africa e
a Sobral, in Brasil nord pro observar le eclipse.  Ben que le observationes
a Principe esseva partemente obscurite per nubos, illos a Sobral esseva
excellente, e le evidentia de Sobral clarmente esseva in appoio del theoria
de Einstein e contra illo de Newton.

Stan Mulaik