Anque mi Treviso ha su nove numeros.
Un population de circa 80,000 habitantes (con approximation) in le citate e 800,000 in le provincia, con solmente 8,000 habitantes qui vive intra le citate historic. Nos dice intra le "Mura" con referentia al vallo del 1500 que ancora delimita le vetule citate.
Inter altre numeros: un interprisa commercial omne 7 habitantes e 315 polos (areas) industrial que on vole actualmente limitar a causa de lor excessive presentia. Le Provincia de Treviso resta in omne caso con un ric presentia de interprisas agricole, in particular pro le viticultura.
E ora le numeros nove:
Un presentia de estranieros qui provene de ben 139 Paises!
Sempre plus numerose le pueros estranier qui frequenta le nostre scholas. Illes es circa 5,300.
Un presentia de circa 30,000 immigrantes in regula qui arriva a 36,000 con le pueros.
Altere 11,000 personas qui ha demandate le regularisation de lor presentia, assi un total de 47,000 personas, circa 6% del population total.
Le prime 15 gruppos de provenientia coperi 85% del total. Le prime communitate es illo ab le Marocco, seque 45% representate ab le Est Europee: Albania, Romania, Macedonia, ex Jugoslavia. Seque cineses, indianos, e bengaleses qui es in rapide crescentia.
In le anno 2001 23% del nove occupates esseva estranieros, circa 14,500 personas.

E io nota que in le autobus le estranieros usa mesmo nostre dialecto.

Alora que dicer reguardo al linguas? Nihil de nove, io dicerea. Le diverse communitates continua a practicar lor linguas e comocunque apprende illo italian a schola e in le locos de labor e, in plus, le dialecto perque nos usa principalmente illo in le reportos oral quotidian.

Isto sera pro le Union Europee de 25 Paises, sin problema pro quante traductores on habera necessiate de haber. Illo qui es importante es intertanto le salvaguardia del culturas local, le fortia ver del Union Europee.

Mario





------------------------------------
Make Unlimited phone calls from your PC to ANY phone in the World!
http://www.eboom.com/free/