Il es de facto difficile pro me saper que es
propaganda e que es factic information in iste.
Como ego ha comprendite le cosa le Statos Unite
desira evidentia scientific que geneticamente
modificate plantas es nocive, durante que le Union
Europee sape que illos jam ha iste
characteristico.

Compara le attitude al cigarrettas. Jam in le
comenciamento del seculo passate le infantes in
Svedia apprendeva le sequente versetta:

Fumar le tabaco es un usage
que nos de India ha apprendite
multes suffre del fragrantia,
alteres lo taxa altemente.

Plus voluntariemente ego economisa
mi cassa et mi sanitate.

Per consequente, puero, pensa assi
quanto stupide il es nonobstante
et fumar et biber
nunquam vole ego probar lo,
plus voluntarimente ego economisa
mi cassa et mi sanitate.

Tamen nunc humanos voca tote statos de America al
tribunal et demanda enorme indamnos, allegante que
illes non sapeva que il es periculose fumar.

Sed isto on ha sapite tote le tempore, o que?
Mesmo quando ego iva al schola on me narrava que
fumar non es bon. Ego tamen fumava durante un
periodo de mi vita sed succedeva finir con iste
mal consuetudine quando ego comprendeva que illo
es nocente et a mi moneta et a mi sanitate.

Mi puncto es que il es ben cognoscite que fumar
non es bon. Nonobstante humanos nunc accusa le
industria cigarettal e le statos constitutente le
Statos Unite tira le industria de tabaco ante le
tribunal (corte de lege).

Ma retro al modification genetic. Le medios dice
ci que le modification sovente ha le scopo de
crear plantas le quales es immun a certe medios de
combatte contra periculose plantas, fungos et
bestias. Le resulto debe esser, a mi aviso, que lo
detrimental non tanto es le geneticamente
modificate planta quam le residuo chimic in le
victualios que nos mangia.

Secundo nostre medios il ha ultimamente essite
protestos contra le genicamente modificate viveres
etiam in le Statos Unite. Como es isto, de facto,
Stan?

Como consumente ego al minus non protestara si on
indica sur le cosas que ego compra que illos
contine o non contine ingredientes modificate
geneticamente.

Un aspecto es que il es estranie que le industria
genetic non time processos futur.

Plus de punctos de vista multo appreciate!

Amicalmente como sempre