=====================
CHACOS. VII. LE PEDON
=====================

Bon pedones!

inter-
lingua      Pedon   (P)
-----------------------
italiano    Pedone  (P)
espaniol    Peón    (P)
portuguese  Peao    (P)
francese    Pion    (P)
anglese     Pawn    (P)
germano     Bauer   (B)
russo       Peshka  (P)
-----------------------
esperanto   Soldato (S)
svedese     Bonde   (B)
finnese     Sotilas (S)
estoniano   Etturi  (E)
turco       Piyon   (P)

Le nomines del plus multe linguas veni de paisanos sed le
finnese ha le parola soldato (sotilas). Etiamsi le pedones
son le proletariat del tabuliero de chacos illos son multo
importante. Un famose chachista e compositor francese del
18e seculo, Philidor, diceva que "le pedones son le anima
del chacos".

Qua durante le revolution francese "cata soldato habeva un
baston de marechal in su sacco a dorso" in le chacos cata
pedon ha un passaporto de un regina. Quando un pedon arriva
al ultime quadrato illo es promovite al regina (o altere
officiero sed non al rege).

Le chacos moderne era inventate o al minus codificate in
Italia durante le periodo AD 1474--1497 e post isto le joco
expandeva qua foco grec trans le cata Europa. Le tres plus
importante modificationes era:

Le movimentos moderne del dama e alphino e le capturar del
pedon "en passant". Le capturar en passant era un multo
importante innovation. Previemente quando un pedon de, pro
examplo, parte blanc habeva marchate e2-e4-e5 le nigre
poteva facilemente blocar illo con d7-d5 (Le pedon pote
colpar un pecia solmente obliquemente al fronte). Sed le
captura en passant significa que in le examplo supra le
blanc poterea colpar le pedon nigre sicut le pedon haberea
movite solmente d7-d6.

Le chacos habeva remanite quasi sin modificationes durante
800 annos. Post le modificationes radical al fin del 15te
seculo le chacos ganiava un tal maturitate que illo ha
remanite quasi le mesme durante le ultime 500 annos!

----------------------------------------------------
Personas famose qui ha essite enthusiastas de chacos
----------------------------------------------------

Harun-al-Rashid, Timur Lenk, Carolo Grande (Charlemagne),
Philippo II (Grande rege de Espania), Frederico Grande
(rege de Prussia, uno del plus grande generales in le
historia del mundo), Napoleon I Bonaparte, Josip Broz
Tito, Iossif Vissarionovich Stalin, Albert Einstein,
Fidel Castro e Che Guevara.

Durante su negotiationes con le commandantes de
Tchetzhenistan general Lebed jocava chacos con su
partneros.

Le famose musicos Sergei Prokofiev e David Oistrah era
bon chachistas e generalissimus Stalin sovente invitava
illes a jocar chacos al su datcha. Stalin non liquidava
un singule chachista famose.

Un interessante chachista es Kirsan Ilyumzhinov, ille es
le presidente del Republica de Kalmykia e etiam le
presidente del FIDE (Federation International d'Echec).

Que vive le chacos e interlingua!

Allan