In un maniera le facto que tu ha facite un judicamento simile al mie es e
interessante e terrificante. Interessante in un senso subjective,
simplemente que io habeva pensate lo mesmo e que io in un respecto "habeva
ration".

Le radio citava un femina experto qui diceva que "Il apparteni al cultura
politic del statos sud del Statos Unite que un politico in alte positiones
ha un o plure amantas (io debe torquer le grammatica un poco, pardono!),
qui es feminas del stratos basse del administration."

Le historia con Paula Jones es estranie. Como es il possibile que le
personas qui travalia in le administration non sape per le commatrage  (le
informal excambio de information) concernente le varie "interesses" del
chefes. In omne labores que io ha essite io ha audite multo salvage
historias in re le amores del chefes (un altere cosa es que io non ha
ponite multo attention a illos). Cata persona qui la laborate como
professor sape que le studentes "sape" un massa in re illos.

A me il es plenmente clar que isto es un "campania" que on ha lanceate. In
le gruppos de notitias e in CompuServe - quando io era abonnate a illo - il
occurreva que io recipeva litteras de catena (chainletters) con "jocos"
Bill e Hillary de un stilo multo disgustose.

Como in le campania contra le sperate premier de Svedia Mona Sahlin. Le
prime cosa era que un vespertin habeva sur su schedas de novas - que le
jornales usa pro facer le publico comprar lor publicationes - un rubrica
como: "Le amator  del juventute appare ante le publico: Io e Mona Sahlin
nos amava passionantemente."

Isto era nihil, sed post un certe tempore veniva le scandalo con le cartas
de pagamento: Le viceministra habeva usate moneta official pro pagar cosas
private e il habeva un turbulentia medial indescribibile! Jornalistas
presentava facturas post facturas. Le ministra futur debeva conceder que il
es assi etc. Illa non deveniva le successor del premier Ingvar Carlsson. In
vice nos recipeva le premier presente Göran Persson.

Il habeva un simile campania contra le chef del IKEA. In ille caso il era
un gruppo activista de judeos in le west del Statos Unite. Ille chef habeva
in su juventute essite membro de un partito neonazista. Iste campania
finiva con un excusa (si verbal si pecuniari io non sape).




Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden