Reguarda le "problema" de Interlinguacom.com como un avantage: Como
Ensjo mentiona, omne interessatos del compania naturalmente scribe
www.interlingua.com e arriva al pagina del UMI. Subito un gruppo ancora
plus grande apprende de interlingua (i.e. reclamo gratuite - sempre
bon). Dunque, per favor, non demanda al firma de cambiar su nomine!

Isto totevia require que le pagina del UMI es sempre tenite al currente
in un maniera professional e attractive. Nostre nove visitatores debe
naturalmente non solmente vider le prime pagina ma debe devenir curiose
de saper ancora plus super interlingua e assi visitar le multe (bon)
sub-paginas.

E justo le question de como sempre presentar www.interlingua.com in
maniera professional, attractive e currente essera discutite in le
conferentia de interlingua in Focsani, Romania, le 24-31 de julio iste
estate. Memora: Il ha ancora 1½ septimanas pro inscriber se! Le limite
es le 1 de junio. Le precios es favorabile. Le atmosphera (certo) es
commode e placente. Le arrangiatores es charmante. Le participantes
(sperabilemente...) anque. E vos habera un experientia unic per parlar
interlingua ab matino a vespere (plures anque SONIA in interlingua post
le prime die). Le scheda de inscription se trova ci:
http://www.geocities.com/Athens/Forum/1149/scheda.htm - a revider in
Romania!

Con mi optime salutes
Thomas Breinstrup