Harleigh Kyson Jr. wrote:

>Secundo un articulo in le "Long Beach Press Telegram
>(21 junio 2003) in un conferentia constitutional del
>Union Europee in Porto Carras, Grecia, quatro paises
>(Italia, Polonia, Hollanda, e Espania) vole includer
>un referentia a Deo e al christianitate in le
>constitution del Union Europee a causa del influentia
>de iste religion in le historia europee.
>
>Mesmo le papa del ecclesia catholic roman faceva un
>appello personal a Giscard d'Estaing pro includer un
>tal referentia.  Ben que ille esseva in favor de tal
>referentia al religion, Giscard diceva, ille lo
>eliminava proque un majoritate del conferentes es
>secularistas.
>
>Il me surprendeva specialmente que Hollanda, un pais
>que protegeva Spinosa e multe altere personas del
>persecution religiose, vole includer un referentia al
>religion in le constitution europee.
>
>Mesmo un studio superficial del inquisition e del
>guerras inter le catholicos e le protestantes de
>Europa, que continua etiam nunc in Irlanda, revela
>clarissimente que le christianitate ha essite un
>elemento tan tragic in le historia europee como le
>sclavitude (e anque le religion!) in le Statos Unite,
>e io spera que le secularistas prevalera.
>
>
Il sembla que finalmente on radeva le nomine de Deo in le preambulo.
Multo bon in tal caso. Le religiones debe esser extra le stato, si non
on habera un massa de religiose combattos intra le administration, e
isto non es bon.

Historicamente le religion era un medio de expressar varie social e
economic differentias in le paises. Nota que Francia, catolic,
supportava Svedia, protestante in le Guerra a 30 annos. (Non pro
religion, ma pro geopolitica!)

Nostre grande despota Gustav Vasa usava le protestantismo como un bon
medio de gubernar le svedeses. Per su adherentia al nove religion ille
poteva sequestrar le possessiones del eclesia al corona (a se ipse, per
consequente).

Kjell R