STAN MULAIK wrote:

> Io es felice de vider tante gentes a interlng!
>
> Io va contar de mi visito al museuo pro Coca-Cola in Atlanta.
>
> Le previe venerdi, io e mi sposa decideva a usar un post meridie libere
> pro visitar pro le prime vice, "The World of Coca Cola" (Le Mundo de
> Coca-Cola" in Atlanta.  (Nos habita un suburbo de Atlanta, Marietta, que
> es circa 34 km del districto central de Atlanta, ubi es locate le museo
> de Coca-Cola.)  Assi post lunch nos conduceva nostre automobile al autostrata
> que va al centro de Atlanta.  (Mi position como un professor a Georgia Tech
> es equalmente presso le centro de Atalanta).  Nos habeva pauc problema in
> trovar le museo, que es un strata distante del edificio del capital del stato
> de Georgia (de que Atlanta es su citate capital).
>
> Fortunatemente il habeva un parco de stationamento presso le museo, e post
> stationar nostre automobile, nos faceva un breve promenada al museo.  Del fronte
> del museo es un belle vista del grattacelos de centro del citate.  Io faceva
> alcun photographos con mi camera digital.
>
> Proque io e mi sposa es "seniores" (de etate plus que  65), le precio de
> admission esseva solmente $4 pro cata un.  Io demandava si il esseva
> possibile facer photographos in le museo.  "Necun problema", diceva le
> homine qui vendeva le etiquettas.  "Le sol cosa que tu non pote photographar
> es le formula pro Coca Cola," ille diceva con un suriso. Vermente, Coca Cola
> non monstrava iste formula in le museo.  Le formula es un secreto plus guardate
> que le secreto del bomba nuclear.
>
> Nos esseva directe a un elevator que portava nos al tertie etage, que es le
> plus alte in le edificio.  Le portas del elevator se aperiva a un serie de
> expositiones historic.  In un angulo al sinistre esseva un parve cinema que
> monstrava brevemente le historia de Coca Cola.  Nos ascoltava alcun pauc
> minutas alora nos commenciava a mirar al expositiones. Le formula pro
> Coca Cola esseva create in 1886 per un pharmacista in Atlanta per le nomine
> de Pembroke.  Lo que ille creava esseva un sirop pro miscer con medicinas.
> Per accidente alcuno discoperiva que un mixtura del sirop con soda faceva un
> biberage deliciose.  Tosto pharmacias vendeva le sirop con soda sub le nomine
> de Coca Cola, create per su inventor, que equalmente faceva per su proprie
> scripto le famose signo de "Coca Cola".  Durante le proxime pauc annos le
> sirop esseva miscite e vendite a pharmacias in barriles rubie.  Alora
> Pembroke vendeva le formula a un homine del nomine de Chandler....

In le comenciamento del 20-e seculo il era multo popular facer varie biberages
sanificante, forsan salubre, in tote le mundo. Le recepto del Pembroke era un
extra-successose exemplo de isto. Illo monstra ante toto lo que on pote facer per
reclama. Le russe kvas o nostre Biberage de Natal e Biberage Paschal es assi
refrescante ma divulgate per un plus mal reclama. Svedia es in factu un del pauc
paises ubi le consumption de Coca Cola diminue durante natal e pascha.

Cellus