Car Amicas e Amicos,

pro le prime vice in 38 annos durante le quales io ha sempre exercitate mi
deber civic de voto, hodie io exprimera mi protesto e, forsan, desertara le
urna.
Io ira a votar solmente si io apprendera que on ha pervenite al quorum, de 50%
plus un, del electores; sol pro illo le referendum national que nos vota hodie
sera valide.
Io votava sempre al prime horas de apertura de stationes electoral. Hodie io
expectera iste vespera, verso le hora de clausura, al 22 horas, e si le
informationes sera positive pro le validitate del referendum, alora io ira a
votar e ni voto sera "no", sempre pro exprimer mi protesto.
Hodie multe italianos facera como me e forsan le referendun non pervenira al
quorum pro esser valide.
In iste maniera nos desidera manifestar a nostre parlamentarios que illes debe
saper exercer le poter legislative e non appellar se al electores pro, postea,
non sequer in omne caso le resultatos de nostre passate referendum national.
Le referendum de hodie costa circa 560 milliones de dollars pro le sol
organisation electoral e le italianos reclama etiam contra iste dispendio del
moneta public.

In Italia nos leva sempre plus le protesto contra le bombardamentos del
NATO in
Yugoslavia. Nostre constitution republican refusa le guerra, si non como
defensa, e nos pertine al NATO como alliantia de defensa. Nos vole le pace e
conductores qui debe assecurar lo.
Basta al bombardamentos; illos, como sempre, demonstra lor inutilitate e
solmente qui es sin ressources intellectual pote appellar se al armas.
Illes es
stupide e nos les mantene como nostre conductores.
In tote le mundo nos ha le necessitate de organisar le melior e assidue
controlo del conductores e de illes al quales nos confere responsabilitate e
delegationes.
Detra iste action in le Balkanes nos discoperira le poter economic. Un
conductor non es un nostre selection, ma ille es le proposition del poter
economic e nos cives, nos es simplemente del nullitates.
Non pro le nihil nos "beneficia" del resultatos del guerra, del fame e del
ignorantia, etiam con nostre vita.

Forsan nos totos debe apprender le disobedientia civic e pro facer lo nos debe
devenir poter economic.
Ah, isto es belle!
Si, nos debera devenir poter economic! Tante guttas face le mar.

Ciao guttettas,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com

Le texto es publicate etiam in le lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]