Primo, io debe indicar alcun correctiones de mi previe message.  Le
laco al nord latere de New Orleans es Laco Pontchartrain. Le numero
de inhabitantes de New Orleans es circa 480.000.  Assi circa 350.000
ha quitate le citate per lor proprie medios del transportation ante
le arrivata del hurrican.  Mais lo que ha remanite esseva circa
100.000.

Iste message ora circula per le interrete.  Illo contine extractiones
de un articulo in le periodico de New Orleans le New Orleans Times
Picayune de 2002.  Le articulo esseva super le possibile consequentias
de un major hurrican a New Orleans.

"Le major un.
Del New Orleans Times-Picayune, 2002.

Un hurrican major poterea decimar le region [de New Orleans], mais
le inundation de mesmo un minor tempesta poterea occider milles. Il
es solmente un question de tempore... Le evacuation is le via le
plus certe al securitate, mais illo poterea esser un incubo... e
100.000 sin le transportation remanerea in le citate.

Centos de milles esserea sin casas, e il requirerea multe menses pro
disaquar e siccar le region pro comenciar facer lo habitabile. Mais
il non haberea multo a que residentes retornarea se. Le economia local
esserea ruinate.

Gentes lassate in New Orleans in un evacuation va luctar pro superviver.
Alcunos va esser casate al Superdome, le refugio designate in New Orleans
pro le gentes troppo malade o infirme pro quitar le citate.  Alteros
va finir al ultime minuta in le refugios de emergentia que va provider
minimal securitate.  Mais multos va simplemente esser solo in casas o
cercante le terra alte.

Milles va necar se quando trappate in casas o per le aquas elevante se.
Alteros essera prendite per le aquas o applattate per fragmentos cadente.
Supervivatores va finir trappate al tectos, in edificios, o al altere
terra circumferate per le aqua, sin alcun medio de escappar e con
pauc nutrimento o aqua potabile, possibilemente pro plure dies."


===

Il sembla que tote iste predictiones ha essite ver. Le governamento
non pote dicer que illes non ha anticipate isto. Le preparationes esseva
troppo parve e troppo tarde e non proactive.

Salute!

Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================