Dumitrescu Cristian wrote:

> Car Amicos,
>   Gratie Cellus pro tu informationes re le altere
> instrumentos simile a "nai".

Io es quasi certe que le parola es turc del initio. Il existe anque in
perso moderne, ma io non sape si il se tracta del mesme typo de flauta,
isto es un pluritude de flautas colligate in un longe linea.

Le nomine "flauta de Pan" suppone que illo anque existeva in le
antiquitate grec.

In Svedia il ha un popular flautista Pan qui se appella Ana Dragomir.
Illa joca multo ben. Si io me non mal memoria illa usava varie flautas
dependente del registro, un pro le plus alte octavos e nu altere pro plus
basse, ma io non es totalmente certe de iste observation.

Certo le lauta (le lut) es un multo favorate instrumento viste que il se
parla del "lautarios" (lautari) in Romania.

Io me recorda un vice quando io vadeva per un autobus in le urbe de
Bucuresti e duo viros imbarcava le autobus jocante a violino e accordeon
quando le autobus viagiava per le stratas del urbe. Malgrado del tornos e
cambios de curso del autobus illes jocava sin problemas, non facente un
sol "mis" de un tono. Un alte standard de musicalitate, solo surpassate
per le artistas de circo qui pote pender a capite al basso e jocar le
violin. :-)

Mi instrumento favorite nonobstante es le cymbalo (Hackbrett etc,
imagina, car lector un fortepiano con solo le parte posterior, minus le
claves (tastatura!). A iste instrumento on joca per micre malleos que on
teni per le manos, un poco al stylo de jocar le xylophono. Le cymbalistas
es jocatures enorme.

Cellus