Salute Jaque!

Tu ha clarmente ration quanto al facto que un lingua international ben pote
esser occidental.

Pro me interlingua suffice multo ben. Lo que on pote facer es permitter un
large norma de pronunciation que da loco al variantes. Pro exemplo le
pronunciation de j como in anglese es preferibile, viste que on alora ha un
elemento d, assi dj, si on pensa francese. In iste caso il non es interessante
si alcuno pronuncia dy o dj o mesmo dz, on essera sempre ben comprendite.

Il ha multe parlatores qui substitue un occidental r apical quasi per le sono
j in francese "jardin". In iste caso le pronunciationes r, R j essera
comprensibile.

Iste idea non es le mie ma es expressate in un libro cuje titulo ha evadite mi
memoria ma que es scribite per Ingvar Stenström e Leiland Jaeger. Illo pote
esser comprate del Servicio de libros interlingua.

Quanto al possibile nove variantes como Lingua mundi o 2004 il ha le lista
"bablo" ubi tu pote exercer iste linguas e a auxlang e un multitude de altere
listas tu pote discuter le grande avantages de tu lingua in comparation con
interlingua.

Amicalmente

Kjell R