Thomas Breinstrup ha appellate a nos si in nostre paises il ha altere
medios de transmission de informationes de computator altere que le
filos cupric.

In le Statos Unite il ha plure tal medios disponibile al citatanos.

Io ha DSL disponibile de earthlink in cooperation con mi compania
de telephono, que veni a mi casa per filos de cupro. Iste systema
es multo rapide in inviar messages a mi casa, e alquanto minus rapide
in transmitter los de mi casa al rete.  Isto es plus rapide que per
usar un modem auditori e le lineas ordinari del telephono.

Isto non es le sol option pro me.  Io equalmente recipe transmissiones
de television de cablo fibro-optic, de 'Comcast', un grande compania.
Isto provide plus que 250 canales de television.  Ora comcast pote
provider me, si io lo vole, con un mesmo plus rapide systema de
communicationes que DSL.

Un problema con DSL es que tu casa debe esser proxime a un centro
con un multiplexitor de DSL accesso que converti le signalo del
providitor de servicio del interrete (p.e. earthlink.com) al
signalo de DSL que es inviate a te per tu linea de telephono.

Heri io e mi sposa ha visitate un amico in le campania circa 65 miles
est de Atlanta.  Illa ha un bellissime casa al latere de un belle
laco.  Illa ha monstrate me su camera de computator e su nove computator.
Infortunatemente illa solmente pote usar le auditori modem per via del
telephono a 55.000 kbps (kilobitspersecunda).  Il non es possibile pro
illa a obtenir DSL a su casa, proque le distantia de su casa a un
bureau central es troppo longitan. Le signalo deteriora con distantia.

Le DSL invia a tu casa un signalo inter 1.5 Mbps  a  8 million bits
per secunda, le plus rapide essente plus car in costo. Tu invia messages al
interrete a 512 kbps.

Il es possibile a usar tu telephono simultaneemente con communicationes
al interrete per DSL.

Salute!

Stan Mulaik