Personas qui usa plus que un lingua planificate non es
traitores.  Ulle persona ha le derecto de apprender e
usar ulle lingua que place a ille o illa.

Un vice io audiva durante mi annos universitari que
omne persona qui apprendeva francese esseva homosexual
proque solmente le homosexuales parla francese.

(Io crede que le persona qui me diceva isto sapeva que
io mesme es homosexual.  In ille epocha io non poteva
defender me proque le contexto social esseva troppo
periculose.  In le Statos Unite Contemporanee, nostre
derectos civil es assatis forte que nos pote advocar
pro illos apertemente, ma on etiam nunc nos assaulta e
a vices occide, como in le caso de nostre population
afroamerican.)

Iste sentimento non es ver, naturalmente, e, in mi
opinion, mantener que un persona qui usa esperanto e
interlingua es un traitor a interlingua es equalmente
ridicule!

Le superioritate de interlingua como un lingua ponte
in contextos de communication ubi illo pote esser
utile es multo obvie, e nos non ha ullo a timer in le
ocompetition offerite a nos per esperanto, novial,
occidental, o ulle altere lingua planificate.

(Vermente, io non crede que iste duo linguas es
competitores, solmente duo linguas multo interessante.

(E le partisanos de altere linguas planificate, io
crede, es benvenite a adaptar le ressources
"Interlingua in interlingua" a su preferite lingua
planificate.

(Pro ulle linguista un tal uso de "Intelringua in
interlingua" esserea un bon exercitio in le traduction
e le redaction, que ille o illa poterea utilisar in
altere contextos de communication.)

__________________________________________________
Do you Yahoo!?
Yahoo! Tax Center - forms, calculators, tips, more
http://taxes.yahoo.com/