Io contempla le possibilitate de scriber un grammatica
del anglese in interlingua, ma un tal projecto esserea
multo plus complicate que un projecto como
"Interlingua in interlingua" o mi curso de
conversation bidirectional inter interlingua e le
anglese.  In iste momento io non ha ulle planes
specific pro scriber un tal curso curso de
instruction.

Si tu vole apprender le anglese, io recommenda que tu
face un collection de libros de instruction in le
linguas que tu jam cognosce pro tu studios e e que tu
usa le version anglese de mi curso como un exercitio
collateral.

---

Si tu vole solmente leger le anglese, il non essera
necesse que tu te preoccupa con su pronunciation.  Tu
pote pronunciar le parolas secundo le patronos
orthographic del linguas que tu jam cognosce.

Si eventualmente tu volera apprender le anglese
parlate, tu potera facer un studio special de su
phonologia.  Pro isto, io recommendarea textos de
instruction que usa transcriptiones phonetic/phonemic
usante un variante del alphabeto del Association
International Phonetic.

Infelicemente, il ha multe characteristicas del
phonologia del anglese que non appare in multe altere
linguas europee, e le relation inter su orthographia e
su pronunciation, ben que assatis systematic, es anque
multo complicate.

---

Il me pare que tu me ha dicite que le problema de
continuar le redaction del dictionario de Macovei ha
essite resolvite.  Usque nunc, nemo me ha dicite ullo
sur isto.

Que face on con su manuscripto in iste momento?  Pro
me il non es importante qui face iste travalio.  Ma io
non vole que on simplemente immagazina su manuscripto
pro possibile redaction in le futuro.  Si on face
isto, il es ben possibile (forsan probabile!) que
eventualmente on oblidara completemente su projecto lexicographic.

__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com