Car Amicas e Amicos,
in Italia le referendum del 18 de april non ha consequite le quorum de 50%
plus
un del electores. Illes qui ha votate ha essite solmente 49,6%.
Ora nostre parlamentarios ha le responsa del electorato italian: face vostre
deber!
Isto es ingenuitate.
Le lucta politic es exercitio de intelligentia, e governar un populo de circa
57 milliones de individualistas non es simple. Le cives non supporta de
obedir,
e tolera le politicos a condition que illes non pesa troppo in le viver
quotidian individual. Le politicos debe garantir se le re-election e inricchir
se.
Il es un question de equilibrios, forsan inevitabile pro un populo que non ha
un sol nationalitate, ma un stratification de plus nationalitates
pluremillenari.
Nos es europee pro predisposition. Le ration es historic: per exemplo io es de
Treviso, libere municipio (commun) in le medievo e jam municipio roman in
le 30
circa a.C., io es veneto, e postea italian, e alora etiam europee, sin
problemas.
Il es importante pro nos sentir nos ben, al contrario, sentir nos melio, sin
limitationes.
Disobedir es un stilo de vita, un defensa, Alora nos in majoritate non ha
votate, ma illes de nos qui ha votate, ha exprimite "si" in ultra 90%. Le vita
politic es como un palio*, un poner nos in competition.
* Le palio es un cursa de cavallos, de tradition medieval, que occurre in
Siena, ma nos ha plus palios, al minus un in omne citate, inter citates, como
inter quartieros, artes, mestieros, et cetera. In breve, le vita non es un
cosa
que debe pro fortia esser serie e le disobedientia face parte del joco, etiam
illo politic.
Al fin il es importante non lassar troppo sol le politico; ille poterea
profitar troppo de su poter.
Le disobedientia non es le remedio, ma illo concurre a mantener le equilibrio.
Le referendum concerneva nostre lege electoral pro le Camera del Deputatos, le
camera basse, con 630 membros. Le camera alte es le Senato del Republica con
315 membros eligibile e circa dece membros a vita.
Le referendum era abrogative de alcun normas, illos que reguarda le systema
proportional pro eliger 25% del deputatos, 155 membros. Le altere 75% es
eligite con systema majoritari.
Si le referendum esseva approbate 25% del deputatos veniva eligite inter le
prime de non eligite.
Question solmente italian. Le italianos ha mandate un aviso de
contrarietate al
grande partitos, al grande medios de information, al Presidente del Consilio
del Ministros (le prime ministro) e al poteres forte del Pais.
Con le systema majoritari le electos es illes celebre e on vole abolir le
partitos pro formar duo coalitiones. In le Parlamento Europee nos ha le
systema
proportional. Nos europeos lo eligera le proxime maio.
Con le audacia del proprie convincimentos,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com
<http://millennium.fortunecity.com/zebedee/682>
<http://members.xoom.com/Oncle_Mario> 899 <c:/Documenti/xoom/index.html>
Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]
|
