Le ponte trans le stricto Oresund inter Copenhagen
e Malmoe es nunc inaugurate. Le canales radio 4 de
Svedia et Danmark sequeva le festivitates circum
le ponte, sed como de habitude le radio svedese
succedeva non transmitter le oration inaugurative
del rege, proque on al mesme instante transmitteva
notitias! Le primeministros Poul Nyrup Rasmusen et
Göran Persson (Georgeo Petrofilius) tamen era ben
ascoltabile. On pote vermente demandar se pro que
un pais ha un rege si mesmo non le medios statal
le incontra per le veneration que appertine a un
tal personage.

Ma le resto era vermente emotionante. Benque le
tempore non faceva calide il era un amusante
distraction. Finalmente ego poteva anque heri
ascoltar le version normal, in danese, del melodia
que habeva ganiate le Contesto de cantiones del
Eurovision alque como The winds of Love in
anglese, ma Belle como un meteora (il se tracta de
un femina qui per su marito ha un plus belle
aspecto durante que le annos passa) es un multo
optime texto. Omne le vices antea on ha nos
nutrite solmente per le version anglese del canto.

Le danese, si, es difficile a comprender pro nos
svedeses. Un amusante cosa era que ego, audiente
le daneses pronunciar Pebberholmen (Pepparholmen
in svedese) le insula artificial que on ha
construite pro salvar Saltholm (un altere
insuletta in le stricto Oresund) sona in le bucca
del radioparlatores como Piurholmen (in mi
insufficientemente exercitate aures).

Iste nove ponte significa que humanos nunc pote ir
a pedes sic inter Danmark e Scania (Skåne) al sud
de Svedia e isto es le prime vice desde 6000
annos! Le vice anterior era quando le glacie
continental se retraheva al norte et le stricto
tunc era terra!

Si ego habeva vivite proxime al ponte ego haberea
anque itilisate le occasion pro camminar trans le
Oresund de Malmoe a Copenhagen et retro.

Naturalmente, ci in Svedia il ha essite un
multitude de humanos qui non ha amate le ponte
futur. Illo esseva troppo costose, et on lo non
besonia. Nunc tamen omne le personas regressive
tace.

Ego ha incontrate tal personas. Illes non
comprende que le gaudio que on ha plure pontes
trans le fluminetto Fyris in Uppsala significa
facilitationes, lo que etiam debe esser le caso
con un ponte inter duo paises. Sed non. Illes non
comprende le equalisation. Isto es le humanos qui
postulava que on curre con un baniera rubie ante
le automobiles in le comenciamento del seculo
anterior.

Lo que obfusca le gaudio del novo-inaugurate ponte
es le tragic accidente al festival de Roskilde ubi
8 juvenes moriva quando le audientia (publico) de
posteriori pressava avanti verso le scena et
fracassava le personas stante tosto ante le scena.
Altere personas in le publico primo non
comprendeva que habeva occurite.

Post le scarse communicato del radio ego aperiva
le sito del danese Berlingske Tidene et poteva
leger le plen notitia.

Quando le audientia essayava telephonar a casa le
lineas - etiam del telephonos cellular (telephonos
a mano, mobilophonos) - era bloccate.

Il face un tempore plus tosto primaveral quam
estival. Recorda vos que nos es in _julio_ et il
face frigido (brrrrrrrrrrrrrrr).

A stridor de dentes

(Isto sona multo latin. Forsan il existe alcun
expression _stridor dentium_).

Cellus