Josu Lavin wrote:

> (...)
> Io non so inimico de Interlingua, ma si io recipeva (=recipesse) attaccos
> injustificate e gratuite, io poterea devenir un active inimico de iste
> movimento, lo qual io non desira de necun maniera.
>
> Romanica, in principio, unicamente vole esser illo que es: "la lingua
> romanica commun unificata".
>
> Romanica actualmente non es le projecto personal de Josu Lavin. Illo es
> alique plus ample.
>
> Nos travalia ora in le accommodation del IED a Romanica sub le nomine DRA
> (Dictionario Romanica Anglese), ubi on indicara le genere de le parolas.
>
> Amical- e cordialmente,

Isto es un attitude le qual io non del toto comprende. Si il es assi que tu
trova Interlingua romanica melior que interlingua de IALA, le sorta de lingua
que nos scribe ci, alora labora pro tu version a 100 %. Proque guastar
energia de devenir inimico de interlingua de IALA?

In principio il sembla haber un mal tactica del adherentes de multe linguas
auxiliar que illes ha troppo ingagiate se in polemicas con propagatores de
altere linguas auxiliar in vice de propagar su lingua al publico.

Le exemplos es numerose: ido que se appella "esperanto reformate" in vice de
propagar se per su proprie virtutes e le adherentes de occidental qui sempre
e sempre scribeva a un predominantemente esperantic audientia que occidental
era tanto melior que esperanto.

Durante que interlingua, in mi memorio del mundo del papiro, i.e. ante le
internet, faceva su proprie cursa.

Kjell R