Car totes,

io veni de "jocar" con un programma que io non cognosceva (a saper Inkscape
Vector Illustrator http://inkscape.org) e faceva alcun provas per redesignar
alcun logos del pagina http://www.interlingua.fi/hera/ialogo.htm e probar
facer uno toto mie :)

Pro qui non lo sape, interlingua manca de un logo/bandiera facilemente
recognoscibile per tote le interlinguistas, e ben que il non manca le
projectos, nos non ha jammais essite capabile de un accordo general...
Assi io repropone un vetule thema... Pote esser que le nove interlinguistas
pote adjutar nos ;)

Vos pote trovar exemplos .jpg de 600x400 px al pagina
http://files-upload.com/303266/logos_ia_jpg.zip.html
Qui vole le archivos .svg, que me los pete, e io los inviara.

EXPLICATION DE MI ESSAYO
Le bandiera es volutemente simple, pro facer facile le aggrandimentos
e reductiones sin perder le recognoscibilitate (ben que il es possibile
complicar quanto on vole le logo per adder stratos eventualmente
masquarabile, i.e. le archivos giovanni_art*).

Le formato nativemente usate es le .svg, graphica vectorial sin perdita
de resolution quando on aggrandi o reduce le logo.

Le colores usate es le azur (RGB 0/150/255) e jalne (RGB 255/255/0), le
colores del celo e del sol in un die seren, equal in cata parte del mundo.

A un nivello, nos vide un "stella cadente". Illo symbolisa le desiro.
In factos, quando nos vide un "stella cadente", nos exprime un desiro e
nos spera que illo deveni tosto real.

A un altere nivello, nos vide un stella e un vestigio de pede.

Le stella representa con su 5 punctas le 5 continentes, ma le punctas non
ha angulos, proque nos non vole esser "spigulose".

Le vestigio representa le desiro de camminar insimul.

Io rende le logo/bandiera usabile secundo le licentia Creative
Commons "Attribution-Share alike"

Artisticamente vostre ;)
Giovanni
http://creativecommons.org/licenses/by-sa/2.5/

--
Archivos e disabonar: http://listserv.icors.org/archives/INTERLNG.html