Hodie io videva in le TV italian un servicio dedicate al "scoop" de 
Discovery Channel e del director Cameron in re le presumpte tumba de 
familia de Jesus. Post le reportage de Discovery Channel, un de plus 
competente historicos israelian, prof. Kloner, esseva intervistate e, in 
synthese, ille assereva:

1. Le tumba esseva discoperite in le anno 1981 e tosto studiate sin 
alcun resultato extraordinari;

2. Le tumba esseva usate usque al annos 70 p.Ch. per un familia multo 
numerose (plus de 35 personas contemporaneemente vivente), durante que 
le familia de Jesus esseva parve (4-5 personas max)

3. Il es ver que in le tumba esseva reperite le nomines de alcun 
Yehoshua, Myriam e Magdala, ma illos esseva le nomines plus frequente a 
Jerusalem in ille annos;

4. Al epocha del execution de Jesus, le lege roman imponeva que le 
executate esseva inhumate immediatemente post lor morte, sin exequias o 
lamentationes funebre, vicin al loco del execution; le lege hebraic 
prohibiva de inhumar un executate in le tumba de familia, pro evitar le 
profanation. Le tumba de Discovery Channel es multo distante del loco 
del execution e es clarmente un tumba familiar.

In conclusion, un altere false scoop

Valete omnes

robocap

--
Archivos e disabonar: http://listserv.icors.org/archives/INTERLNG.html