Car lectores ci e car ascoltatores de Radio Interlingua!

Ecce; le podcast de Radio I. ha essite justo publicate pro novembre 2012! :-)

Su contento consiste del 4te parte del interview con le recentemente tragicamente decedite juvene activista bulgare: Petyo Angelov. Iste vice ille narra - in un bonissime interlingua - super su historia e experientias in apprender linguas. Vos, qui certo ha interesse linguistic, pote esser curiose super le experientias de un homine, qui sapeva circa 40 linguas in como, durante un qual periodo de tempore e per qual methodo il es digne a apprender linguas. Io es certe, que le sequente parte del interview con Petyo Angelov essera informative e interessante pro vos. Angelov narra primo le fundo, le circumstantias linguistic de su annos infantil e postea su historia de apprender plus de linguas. P. ex. le caso de Petyo con le lingua hungare ha su lection, que il non es indifferente, un qual longe periodo de tempore on dedica pro apprender un lingua e per qual methodo on lo face, a fin que le resultato remane durabile. 

Le interview ha essite facite in le estate de 2011, al conferentia international de interlingua in Bulgaria. Su final parte essera presentate in le sequente emission.

Postea seque un pecia musical de Csaba Kocsis.

Le emission pote esser discargate del pagina http://www.interlingua.com/node/955 .

Tote le podcasts de Radio Interlingua vos pote consultar al pagina http://www.interlingua.com/radio .

Le redactor Péter Kovács vos desira un bon passatempore con iste podcast de Radio Interlingua!


--
Pro leger le archivos e pro modificar o cancellar le subscription:
http://listserv.icors.org/archives/interlng.html