-----------------------------------------------------------------
Le Guerra Hibernal 1939--1940 inter le Union Sovietic e Finlandia
1939 December 01, le 2nde die del guerra
-----------------------------------------------------------------

13:45 Durante 5 horas le cabinetto del guerra es formate, proque
      Finlandia besonia un cabinetto del homines con nervos de aciero
      in iste periodo del extreme periculo.
      Kyösti Kallio, le presidente de Finlandia, nomina le nove
      cabinetto:
      Prime ministro: Risto Ryti, le director del Banca de Finlandia
      Ministro del affaires estranieri: Väinö Tanner
      Ministro del Defensa: Juho Niukkanen
      Duo ministros sin portefolio: A.V.Kotilainen e Juho Kusti
      Paasikivi (Le persona le plus importante in negotiationes inter
      Finlandia e le Union Sovietic, post le guerra le presidente del
      Republica).
      On declara que le plus importante cargas del nove cabinetto son
      (1) a restorar le stato del pace inter Finlandia e le Union
          Sovietic
      (2) a conducer le defensa contra le assalto del Union Sovietic

--:-- Le officiales del defensa civil ordina un obscuration total in
      tote le Finlandia proque le periculo del attaccos aeree.

-----------------------------------------------------------------
Le Guerra Hibernal 1939--1940 inter le Union Sovietic e Finlandia
1939 December 02, le 3tie die del guerra
-----------------------------------------------------------------

--:-- Post le negotiationes inter le prime ministro del cabinetto
      popular de Finlandia, Otto Wille Kuusinen, e le ministro del
      affaires estranieri del Union Sovietic, V.M.Molotov, le pacto
      del amicitatia e assistantia es signate in Moskva. Le scopo
      del pacto es "de averter 'le menacia del Blanco-Finlandia' e
      reinfortiar le spirito del pacto de pace de 1920" (Inter
      Finlandia e le Union Sovietic in Tartu, Estonia -- AK) e
      recognoscentia mutual del soveranitate de ambe statos.

--:-- Le ministerio de inseniamento instiga le omne scholas a
      suspender lor travalio a causa de menacia del attaccos aeree e
      proque on besonia le scholas pro quartierar de refugiatos.

Allan Kiviaho