Tres matinos retro, antea le prime nivada de iste hiberno que initiava justo
a mi retorno a casa, io faceva un longe promenada con mi cosino e Marcus, un
alano (can danese) arlequin que nos duo passava de uno al altere pro prender
respiration. In realitate era Marcus que nos conduceva a promenar, retro su
corda, ubi illo intendeva esser melio.
Nos percurreva le ripas del Sile, nostre fluvio principal. Le sitos deveniva
parco natural de alcun annos assi le fauna se ha adaptate in grande
colonias, supertoto de anates e cygnos, ma non solmente.
Il faceva jam un grande frigido pro le bora,
http://search.britannica.com/eb/article?eu=82856&tocid=0&query=bora
le vento del est que pote arrivar anque a 150 kilometros per hora. Pro isto
le ciel era politissime.
Anque nos ha turbas (volos, italiano stormo/stormi) de aves que passa in lor
emigrationes saisonal, totevia il non es un spectaculo frequente admirar
iste meraviliose manifestationes del natura.
Ha vos audite jammais le volo de un cygno que passa a poc metros de vos?
Il pare incredibile que un sol ave pote facer assi ruito con su alas, tovia
a vices io vade in montania, a solmente 40 kilometros de mi casa, e a vices
io senti le hirundines que vola vicin. Anque le hirundines face un bon ruito
con lor alas si vos pote sentir illo vicin e in le silentio del montania.
Ora on pote acquirer CD con le voces del natura e il es surprendente como
iste reproductiones sia simile a un ver musica. Aqua del rivos, vento intra
le arbores, aves que canta vicin. E in plus un qualitate de reproduction de
sono que te meravilia e commove.
Anque vos ha le aves que prefere sojornar in le citates, respecto a lor
locos plus natural. Treviso es refugio pro le merles e le sturnos, in plus
al normal passere e columba del turres. E in plus, quando le tempore in
laguna non es del melior, ora nos ha le "cocai", que serea le laros, que se
carga de nettar le multe fluvios in citate.
Qualque pagina in rete
Le parco natural del Sile:
http://www.parks.it/parco.fiume.sile/
un parve film disponibile in vostre computer:
http://www.heos.it/heosvideo08.htm
Un oasis in le basse Sile:
http://www.oasitrepalade.com/
Mario
>Hodie post nostre lunch, mi sposa e io decideva a facer un
>promenada in le vicinio. Durante notre promenada nos
>videva un vista que io non jammais ha vidite ante isto,
>grande greges de gansos (. . .)
>Stan
_________________________________________________________________
Fai parte anche tu del pił grande servizio di posta elettronica del mondo
con MSN Hotmail. http://www.hotmail.com/it
|
