Allan Kiviaho wrote:

> Secundo Kimmo Sasi, le ministro de commercio
> estranier, pro exemplo in le ministerio de affaires
> estranier ancora minus parte de junior empleatos
> maestra ben svedese parlate e scripte durante que
> habilitates de anglese e francese ha meliorate.
> Ration pro le pejor habilitate de svedese es le
> si-nominate influentia del UE.

(...)
In Svedia le membro del parlamento europee Per Gahrton
pro le ecologistas criticava in un programma del Radio
National de Svedia le commissionaria Margot Wallström
pro que illa parlava "anglese scholar" in vice de parlar
svedese e esser interpretate. Gahrton prendeva como un
bon exemplo le seniora Diamantopoulo, commissionaria pro
Grecia, qui parlava greco e se dava esser traducite.

Ego suppone que le facto que le interpretation non
sempre tene le qualitate necessari pote esser un ration
pro le qual le officiales svedese prefere parlar le
anglese (forsan mesmo mal) ante que esser mal
interpretate.

Del resto il ha tanto de competentia in supporto del
anglese que ego pensa que il es plus rational que on usa
anglese como le sol lingua del union e lassa omne
alteres esser interpretate, si illes non parla anglese
sufficientemente.

Le secunde optime es que on limita le linguas official
al anglese, germano e francese (il ha competentia pro
ille linguas in omne le paises).

Nulle gania de un situation ubi il se crea un
brusselese, svedese, finnese, danese, italian etc. que
es equalmente incomprensibile pro le cives ordinari in
le paises de origine, si illos non ha le contacto con le
UE immediate.

Le optime proposition es naturalmente que omnes parla
interlingua. Ma on debe primo apprender le lingua!

Cellus P