>  Un altere situation mal apud del cynismo de FIFA es
>le violentia del spectatores. Que bel cantos habeva le
>angleses et como se manifesta hodie le hooliganes!
>  Ergo pro mi puero io prefere le stimular su
>interesse verso basketball et natar.

Le septimana previe io esseva in London con mi sposa
in ferias, visitante le mueseos.  A nostre hotel nos
telespectava un programma in le BBC super le hooliganes.
Il es interessante que il ha un nucleo de hooliganes del
citate de Cardiff in Wales qui es semper al centro del
tumultos.  De facto il ha certe individuos qui es ben
cognoscite qui ha participate in iste tumultos.  Il
pare esser un activitate placente a iste hooliganes
a fomentar iste tumultos.  Le tumulto es plus un joco
pro illes que le joco de futbol.  E lo que es
consternante es que le proprietario del club de Cardiff
incoragia iste hooliganes, sub le pretention que ille
pensa que ille pote rediriger lor energias in plus
beneficial activitates quando ille obteni lor
fide in ille.  Io habeva le pensata que un simple
solution es a bannir clubs cuje fanaticos es semper
al centro de iste tumultos.  Altere clubs pote
simplemente decider non a jocar con illes.  O le
policia pote arrestar les e confinar les in le prision
pro un anno o duo pro un prime offensa.  Illes es un
periculo al ben esser del communitate. Un de iste
hooliganes es un millionario walese.  Un anno in le
prision possibilemente haberea un mal effecto super
su activitates commercial.

Stan Mulaik