Kjell ha scripte:

> Le sol pais in le qual on face un distinction inter cive e ethnico es in
russia ubi on parla de _russos_ (le ethnicos) e _russianos_ (rosijan'e in
russo).
>
> Quando mi filia era in le states unite illa stupefacte narrava que multes
se appellava "svedeses" proque illes ha un origine svedese.
>
> In le futuro quando paises va consister de humanos de varie paises on
certo habera tal distinctiones in multe linguas. In interlingua on pote
parlar de _svedos_ (ethnic) e _svedianos_ habitantes de Svedia.
>
> Il comencia devenir un poco troppo national si on imagina un persona con
un patre svedese e un matre polonese qui habita in Nederland e deveni cive
ibi.
>
> A me sembla logic que on ha le ethnisitate del ambiente in le qual on ha
crescite. Multo poc humanos tene conto del provincias del qual illes
proveni.

Tu ha sublevate alcun punctos multo interessante. Quando (e como) commencia
un nove ethnicitate. Quando on poteva distinguer pro exemplo le russos ab le
poloneses, o le daneses ab le svedos, secun ethnicitate (plus tosto que
nationalitate) - in qual seculo?

Io considerava que le Australia era nimis juvene pro crear un nove
ethnicitate 'australian'. Io videva un nationalitate e sub isto, le multe
ethnicitates de un nation de immigrantes - anglese, irlandese, italian,
grec, croat, chinese etc (plus que cent).

Tamen forsan il ha un ethnicitate 'australian' preter le nationalitate
'australian'. Io memora nunc que il ha un historico satis ben cognite hic
qui usava le termino 'vetule australian' in loc de 'anglo-celtic' o
'anglo-saxon' o 'anglo-australian'.

Isto subleva un nove question: si on deveni ethnicamente american o canadian
o australian, an on perde le ethnicitate de su ancestres? Nonobstate, mesmo
si on pote perder le ethnicitate de sus patres o avos e ganiar un nove, on
non pote perder le ancestres.

Sed reveniente al thema principal, le problema resta que si on usa le mesme
termino pro le nationalitate del pais e le ethnicitate del gruppo
majoritari, on risca le exclusion e le amarisamento* de alcun homines.  Nos
habeva recentemente hic in Sydney alcun casos in le quales juvene viros de
nascentia australian e de ethnicitate lebanese cerca juvene mulieres* de
apparentia  nord-european (i.e de pelle pallide) e las violava. Un victima
pretende que ante le violation on la ha demandate "An tu es ver australian?"

Io tende creder que le distinction de lebaneses (e chineses e croatos etc)
ab anglo-saxones e celtos (o anglese e irlandeses) plus tosto que le
distinction lebanese - australian, usate plus vastemente, poterea impedir
iste disveloppamentos disagradabile.

cordialmente
Edo

* amarisar - render o devenir 'amar' (etiam secun temperamento)
* mulier - femina human