d[001116] x[Kjell Rehnström <[log in to unmask]>] RehK-0NF KivA-0NFa
s[Re: Bon Libro de Gopsill]
To: [log in to unmask]

---------------------------------------------------------------
Kjell Rehnström 001116: Ante alcun annos Peter Gopsill scribeva
un libro que in effecto es un specie de Frequentemente
Adressate Questiones o plus proxime al terra, questiones et
responsas in re interlingua. Ibi Gopsill ha in un multo
ingeniose maniera presentate certe questiones et responsas que
un usator de interlingua incontra quando ille vole condivider
su experientias de interlingua.
Cellus
---------------------------------------------------------------

E tu, sr Cellus, intende le sequente libro, nonne?:

    Gopsill, F.P.
    Prejudicio, Ignorantia, Negligentia - Interlingua
    in question e responsa.
    British Interlingua Society, 1995. 70 pp. A5.
    ISBN 1-898017-08-5.
    Servicio de Libros UMI: 12 NLG
    - - - - - - - - - - - - - - - - - - - - - - - - -
    Iste libro es le resultato de un discussion al
    11e Conferentia International de Interlingua.
    Illo tracta questiones que on pone frequentemente
    concernente interlingua e su utilitate como
    lingua international. Le libro servi a offerer
    responsas a questiones general con information
    ulterior.
    (Bibliographia de Interlinfua. Edition januario
    2000 - numero 27, p 20. ISSN 0920-7104)

Me etiam multo place un altere libro de Gopsill,
benque illo es scripte in anglese:

    Gopsill, F.P.
    International languages - a matter for Interlingua.
    British Interlingua Society. 1990. 284 pp. A5.
    plastificate. ISBN 0-9511695-6-4.
    Servicio de Libros UMI: 26 NLG
    - - - - - - - - - - - - - - - - - - - - - - - - -
    In iste interessante volumine on pote appreder de
    tote aspectos concernente linguages international.
    Illo comencia con un examination del difficultates
    linguistic, le enorme expensas pro translationes,
    e le obstaculos que on incontra in translationes
    via computatores.
    On apprende le historia del linguas auxiliar e le
    differentias inter le typos schematic e naturalis-
    tic. Duo capitulos son dedicate al creation de
    interlingua e su utilisation, sequite per un
    detaliate comparation inter esperanto e
    interlingua.
    De plus il ha listas de projectos de linguages
    international con exemplos de textos, e al fin un
    bibliographia.

Interlinguanistas! Io calidemente recommenda iste
libros. Vade a un bureau de cambio pecunias, compra
notas de banca nederlandese, claude illos in un
inveloppe con le lettera de ordinar e insenia a

    Servicio de Libros UMI
    Frits Goudkuil
    Zonnegloren 30
    7361 TL Beekbergen
    Nederland

Salutante

Allan Kiviaho
Finlandia