>From: STAN MULAIK <[log in to unmask]>
>Date: Mon, 20 Aug 2001 19:01:54 -0400
>
>Io suppone que Mario demanda si o non il ha alcun inseniante
>svedese qui ora insenia le interlingua in le scholas svedese.
>Ille crede que si il de facto lo ha, ille haberea alcuno a qui
>a diriger su inseniantes italian qui possibilemente vole
>experimentar con interlingua.  Un excambio de litteras inter
>studentese esserea un exercitio interessante.
>
>Stan

Io scribeva svedese perque il pareva que in Svedia Interlingua, o forsan
melio, le applicationes re le vocabulario international, era un materia de
inseniamento in le normal cursos scholastic. Si io non rememora mal, forsan
io legeva in le propaganda non correcte pro interlingua que iste studio
esseva introducite postea le renuncia del studio del latino como un materia
scholastic.
Le brave Kjell R. me ha adjustate multo pro render plus verosimilante iste
realitate svedese.
Assi nos pote realisticamente concluder que, si qualcuno veni interpellate
re le possibilitate de un forma de collaboration inter le scholas de diverse
paises per medio de interlingua, iste qualcuno non ha un sol referentia ubi
adressar se o su interlocutor.
A iste grave mancantia de un puncto de referentia il pare que non existe un
qualcunque voluntate pro facer qualcosa. Totos face halto al prime
difficultate e, il debe esser simplicemente ver que facer brecha in le
istitutiones scholastic con interlingua il debe esser un problema
generalisate in omne structura al mundo.
Totevia nos scribe sempre que interlingua ha un alte valor propedeutic re le
studio del linguas e il pare de comprender que le breve e facile studio de
interlingua ponerea le studentes in un veloce capacitate de communicar e,
pro iste medio, de consequentia, io crede que le studentes traherea
beneficio e ponerea in practica le valor propedeutic del studio de
interlingua.
In iste lista io crede que il sia absolutemente absente un qualcunque minor
de etate.
Al contrario in le scholas le introdution del computer con le connection a
Internet es un continue evolution in nostre Paises.
Pro retornar al thema il se rende urgente provider a iste mancantia de un
puncto de coordination e de referentia.
Isto es le thema que io propone al attention, forsan non pro trovar un
solution, ma solmente pro demonstrar que a necuno interessa iste thema.
Inter le contributores de iste lista nos ha le vertice del UMI e le redactor
chef de Panorama.
Nonobstante isto nos habera silentio.
Assi un gruppo de voluntarios debe pensar que il es le tempore de marchar
con le proprie gambas, o nos debe definitivamente tacer e non propagandar
utopias.

Nos lege un longe lista de representantias national pro interlingua. Io
pensa que cata uno de iste institutiones non vada ultra a un numero par de
personas que supera duo. Assi nos pote explicar que il non existe in le
practica un representantia pro interlingua.

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp