Sequente un suggestion de Paolo Castellina, io preparava alcun paginas in
Anglese e Interlingua in re le Bahasa Indonesia, un interlingua que esseva
adoptate per Indonesia con successo. Io include le prime pagina, si vos vole
saper de plus pote ir al URL
http://www.geocities.com/robocaps_tower_of_babel/Focus-Bahasa1.htm

Io salute cordialmente vos omne,

robocap

incl.:
Indonesia ha un population de plus que 230 milliones, dispersate per circa 17000
insulas. Le componente Austronesian (94% del total) include 480 linguas, multos
del quales es multo differente per vocabulario e grammatica.

Durante le periodo colonial hollandese, le justo fundate Partito Nationale
Indonesian lanceava le slogan patriotic "Un nation: Indonesia, un populo:
Indonesiano, un lingua: Indonesian", e un lingua minor - le Malay - deveniva le
laboratorio de lingua pro un nation nascente.

Malay esseva utilisate per seculos como lingua franc in plure partes de le
archipelago, e assi presentava le avantage politic de pertiner a nemo. Le
termino Bahasa Indonesia (lingua de I.), que se refere a un forma modificate de
le Malay, esseva inventate per le nationalistas indonesian in 1928 e deveniva un
symbolo de unitate national durante le lucta pro independentia.

Postea, plure intellectuales e scriptores developpava activemente le Indonesian
litterari, regularisante e simplificante su phonetica e grammatica, e
inricchente su vocabulario con aliquot prestos e nove terminologia.

Multe vocabulos estranie (specialmente hollandese e anglese) esseva acceptate e
modificate pro adaptar los al regulas phonetic indonesian, e.g. "doktor",
"polisi", "foto", "paspor", "musik".

Bahasa Indonesia es grammaticalmente simple, sin conjugationes, tempores e
declinationes. Differentemente de altere principal linguas de Asia, illo non es
scribite con characteres ideographic o complexe scripturas syllabic, ma con le
ipse alphabeto que le linguas europee.

Hodie illo es le lingua de le bureaucratia governative, scholas e education
superior, media e communication interethnic, con plus de 170 milliones de
parlantes in Indonesia, plus illes de Malaysia, Singapore, Brunei, Thailanda.

Perque le Indonesian succedeva?

1. Etiam le pais vicin (India, Malaysia, Philippines) esseva incapace de actuar
un lingua national indigena

2. per le pression de nationalismo

3. il non existeva un lingua dominante

4. le Malay esseva jam un lingua franc, e le lingua national de nemo

5. facile a apprender - lingua naturalistic

6. lingua de education, media e commercio.


---
Outgoing mail is certified Virus Free.
Checked by AVG anti-virus system (http://www.grisoft.com).
Version: 6.0.529 / Virus Database: 324 - Release Date: 16-10-2003