Car amicos,
io ha legite con interesse le interessante evaluation facite in re INTERLNG,
e io es de accordo con illo.
De facto un critica que io jam desiderava facer ante a iste reporto es que
ex le lista on recipe troppo de correspondentia. Le mesme autor invia usque
a sex - septe messages in le mesme tempore sur themas al quales io non es
interessate. Isto, tamen, es solmente un problema personal. Totes ha le
derecto de facer lo, ma como poterea io selectionar le messages que vermente
me interessa?
In ultra io es de accordo que on deberea evitar de inviar breve messages
personal de commento como "Io es de accordo!".
Io crede que un bon solution esserea haber un moderator del lista, le qual
invia eventualmente, solmente summario del discussiones.
Io comprende, tamen, que multes debe facer practica in componer textos in
Interlingua: isto es preciose. Ergo mesmo subjectos banal es acceptabile.
Durante que multes scribe textos interessante, Thomas certemente poterea
usar le plus belle inter illos pro Panorama. Io non percipeva que isto jam
eveniva.
Forsan il esserea utile haber plure listas:
1) Vamos practicar Interlingua (hic omne subjecto es acceptabile)
2) Questiones linguistic (discussiones e approfundamentos)
3) Strategias pro diffunder Interlingua.
Io personalmente non participa al discussiones semper, ma io lege le
messages. De facto pro isto on require multo tempore que io non semper
possede.
Cordial salutes a omnes.
Paolo.

Paolo Castellina,
casa: Montaccio, CH-7605 Stampa
tel. 0041,81,8221069
http://www.tande.com/montaccio
ufficio: Via principale, CH-7604 Borgonovo
tel. 0041,81,8221145
http://castellina.home.ml.org
http://www.interlingua.com