Car Piet e omnes,
Tu tosto habera finite le elaboration del Dictionario
francese-ia.   Nos, qui cognosce tu obras previe,
sape que iste dictionario essera uno de alte qualitate,
testimonio de un labor gigantic e devote.
Ma - enumerante le "cargas restante" tu oblida
mentionar un cosa que es tanto importante como
le elabortion mesme: que illo debe esser publicate
per un firma de edition que lo mitte al disposition
de tote francophonos e non solmente a un o duo
manatas de curiosos qui per hasardo sape le
adresse del autor.   
 Le objection que firmas de edition non vole 
publicar tal libros non vale.
Tu  n o n   s a p e  si illos lo vole o non ante presentar
le manuscripte, in A5  preste a imprimer, a plure tal firmas.

Si il es possibile in Svedia, un pais de somente novem (9!) milliones
de habitantes  haber mi manual publicate per le plus
grande firma de libros didactic de Scandinavia e le
dictionario I-a - svedese per le firma que publica dissertationes
doctoral del Universitates - si isto es possibile il es tamben
possiblie haber tal libros publicate in Francia!  
Mi nanual ha essite vendite in 3500 ex. e le editoria del
dictioonario esseva contente que le vendita rapidemente
passava le limite de profitabilitate.

In Francia le nomine de Jeanne Martinet pote aperir le
portas del editorias,  Illa non  es solmente le vidua del
vermente famose André Martinet, ma tamben un linguista
professional in su proprie capacitate e un membro del
redaction de La linguistique.
Ma le firmas non va venir a nos pro peter nos utilisar
lor servicios - i.e. distribution a tote librerias del mundo
francophone...
(Ah, nunc io audi: "Oh iste Ingvar con su insistentia eterne
con su motto 'Interlingua debe esser presente in le mundo
real!'  Como ille es tediose!")

Tamen con salutes cordial,
Ingvar
Ingvar Stenström
Vegagatan 12
SE-432 36  VARBERG
Svedia
ingvar.stenstrm  at telia.com
Tel. +46-(0)340.15053
http://www.interlingua.com
http://www.interlingua.nu '
)

--
Pro disabonar te: http://listserv.icors.org/archives/INTERLNG.html