Al 01.05 18/11/00 +0000, Chris Burd ha scribite:
>On Fri, 17 Nov 2000 13:21:05 -0500, Jonathan Julius Dobkin

>>Esque isto commun in altere linguas alsi?
>
>In francese, a mi aviso, le titulos debe leger se como phrases normal e
>include omne articulos necessari. In altere parolas, si on non lo dicerea
>assi, on non pote scriber lo assi. In anglese un sorta de licentia
>jornalista domina, permittente exemplos del sorta "Healthcare cuts dog
>party chiefs: poll", le quales transcende le norma de
>concision "telegraphic" pro attinger un stato quasi hieroglyphic.
>
>Le objection al practica anglese, es que illo quasi introduce un altere
>norma grammatic applicabile solo a titulos, un complexitate indesirabile in
>un lingua auxiliar.
>
>Chris

Qui es assi human e proba pietate de me e me traduce iste cosa:
 "Healthcare cuts dog party chiefs: poll"?

Quando io scribe que ubi io vive le dialecto cambia de quatiero in
quartiero, o omne cinque kilometros, io usa terminos que non es plus
valide, pro le actual mobilitate del personas. Ma il es ver que omne gruppo
ha un su proprie dialecto e que cata uno modifica le dialecto in relation a
su interlocutor. Isto a voce, perque nos quasi non sape scriber e leger in
nostre dialecto e nos usa un italiano domesticate.
Es nos diverse del resto del mundo?
Io non lo pensa.
E io pensa que isto non es le question si io considera interlingua.
Assi pro me interlingua deberea esser un 'stato de gratia' pro totos perque
nos lo usa pro comprender nos ubicunque nos es in le mundo.
Un belle differentia in comparation al terminos de un gruppo, un quariero o
cinque kilometros!
Ma il es inevitabile que anque interlingua face le mesme fin de tote le
linguas e dialectos.
On non ha un antidoto a isto.

Mario