Ben que mi curso de conversation ha phrases utile in
multe contextos de conversation, io crede que il
esserea un excellente idea compilar listas de phrases
inter interlingua e altere linguas.

Ecce lo que io propone:

Si vos monta a iste sito un lista de phrases in le
linguas fonte moderne de interlingua, io crede que io
poterea producer versiones de illos in interlingua
rapidemente e sin multe problemas.

Vos pote compilar un tal lista de phrases ex libros de
instruction inter vostre linguas native e altere
linguas europee.

In iste momento, io non sape si io poterea discargar
electronicamente iste listas in le systema informatic
del bibliotheca public de Long Beach, California, le
loco principal ubi io prepara mi messages pro
transmission a iste sito.

Si io trova que le discargamento electronic es
impossibile tamen, io sempre pote imprimer los e
producer mi traductiones a interlingua usante le
computator que io ha in mi apartamento pro
transmission ulterior a iste sito.

Io recognosce, naturalmente, que altere
interlinguistas producerea traductiones differente del
mies.  E si illes vole producer lor proprie versiones
de iste listas de phrases e publicar los, illes pote
facer isto con mi benediction.

---

Nota isto:  Pro facilitar mi travalios, si io recipera
listas de phrases in italiano, francese, espaniol, o
portugese, io los transmittera a iste sito sin lor
accentos scribite.

Naturalmente, io regretta le necessitate de facer
isto, ma in redactiones ulterior on potera scriber
iste textos secundo lor normas orthographic normal.

__________________________________
Do you Yahoo!?
The New Yahoo! Shopping - with improved product search
http://shopping.yahoo.com