(Ab le session de litteras del revista Internet World Brasil)

NOVAS DE SOFTWARE

        Le anno passate un amico mie ha facite _upgrade_ de su Inamorata
1.0
verso Sposa 1.0 e discoperiva que illo es un vortice de memoria,
lassante multo pauc ressources de systema pro altere applicationes. Solo
ora ille ha percipite que Sposa 1.0 tamben genera processos-filios que
consume ancora plus ressources pretiose. Nulle mention a iste phenomenos
particular era incluse in le brochure o in le documentation del
producto, benque altere usatores le habeva informate que isto era
expectande, debite al natura del application.

        Non solo isto, Sposa 1.0 se installa de tal modo que illo es
sempre
activate in le initialization del systema, ubi illo pote monitorar tote
le altere activitate del systema. Ille veni de discoperir que alicun
applicationes como PokerNight 10.3, BeerBash 2.5 e PubNight 7.0 non
succede plus exequer in le systema, resultante in _crash_ del systema
quando illos es selectionate (benque illos sempre functionava ben
antea).

        In le installation, Sposa 1.0 non presenta ulle option quanto al
installation de _plug-ins_ non desirate como MatreAffin 55.8 e
FratreAffin Beta Release. Ultra, le efficientia del systema simila
diminuer a cata die que passa.

        Alicun characteristicas que ille appreciarea vider in le futur
version
Sposa 2.0:

        - Un button "non me rememora plus super isto".
        - Button de minimizar.
        - Un "shield" de installation que permitte Sposa 2.0 esser
installate
con option pro disinstallar quandocunque sin perdita de _cache_ e altere
ressources del systema.

        Io ipse decideva evitar tote le dolores de capite associate con
Sposa
1.0 e optava pro Inamorata 2.0. Mesmo hic, nonobstante, io trovava multe
problemas. Apparentemente tu non pote installar Inamorata 2.0 super
Inamorata 1.0. Tu debe prime disinstallar Inamorata 1.0. Altere usatores
dice que isto es un _bug_ antique e que io deberea esser sciente in re
illo.

        Apparentemente le versiones de Inamorata habe conflictos con le
uso in
commun del porta de Entrata/Exita. Tu pensa que illes jam debe haber
corrigite un _bug_ tanto stupide. Pro pejorar le cosas, le programma de
disinstallation de Inamorata 1.0 non functiona multo ben, lassante
tracias non desirate del application in le systema.

        Altere cosa que irrita -- tote le versiones de Inamorata
continuamente
exhibe parve messages _pop-up_ enoiose super le avantages de facer
upgrade verso Sposa 1.0

AVISO DE _BUG_

        Sposa 1.0 habe un _bug_ non documentate. Si tu tentara installar
Amante
1.1 ante disinstallar Sposa 1.0, Sposa 1.0 delera archivos de MS-Money
ante disinstallar se. Alora, Amante 1.1 se recusara a installar se,
allegante ressources insufficiente.

PREVENTION DEL _BUG_

        Pro evitar le _bug_ supra, tenta installar Amante 1.1 in un
systema
differente e nunquam exeque qualcunque application de transferentia de
archivos tal como LapLink 6.0. Tamben, attention al applicationes
_shareware_ similar que notoriemente porta viruses que pote affectar
Sposa 1.0. Altere solution serea exequer Amante 1.0 via un provisor
UseNet sub in nomine anonyme. Hic, de nove, attention al viruses que
pote esser accidentalmente discargate ab le UseNet.
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740