Salute omnes!
Anne, tu me quereva del election del Lucias. 
Primo io pensa que il es multo bon que on non selige un quasi le plus belle del pueras ma que on nunc lassa omnes qui lo vole esser un Lucia e portar le corona con le candelas. 
Scribente isto io me demanda, si le criterios es le mesme como quando on elige un Miss, como Miss Svedia o Miss Suissa. O esque on proba seliger un typo plus angelic, moral?

In le realitate le question de beltate es un cosa multo subjective assi como nomines. Un nomine es belle si on cognosce portantes simpatic del nomine in question.

Io me recorda un multo amusante historia que me occurreva ante un massa de annos. Io cohabitava a ille tempore con un juvena del parte nord de Svedia. Nos era a un partita (isto va significar un _party_) ubi era un altere juvena qui diceva que le plus abhorrende nomine illa sapeva es Kjell. 
Io era multo interessate e demandava pro que. Qual sentimentos illa habeva. 
Kjell es un nomine si fedissime. Io non pote rationar isto, sed Kjell es un nomine simplemente repulsive. 
Io diceva: Io me appella Kjell, sed facte mi patre e matre habeva pensate dar me le nomine Leif!

Illa: Pardono. Isto non del toto era un cosa personal. 
Io: Claro que no! Oblida lo. Non importa!

Quanto a Rudolfo, le ren a naso rubie, iste cantion ha un version svedese. In mi infantia le Patre Natal (Gnomo natal) non usava renes, sed capros. Como Thor, un del plus - si non LE PLUS - potente deo del vikings. Quando Thor viagiava con su carro trahite de capros le homines audiva le tonitro e quando ille jectava su malleo on videva le fulmine. 
Como ben cognoscite Sir Benjamin Franklin demonstrava que isto forsan non era tote le veritate del tonitros.  :-)
Le cantiones de Rudolf, Sonalias, Io sonia de un Natal Blanc omnes existe in svedese e appertine nunc al tradition moderne de natal Svedese. 
Le Natal Blanc e Sonalias ha lo commun con le cantiones de Natal svedese que illes narra del gaudio que il ha natal sed non si multo del message religiose. 
In Svedia le plus cantos que io ha cantate se narra plus del facto agradabile que il ha natal. 
- - - -
E nunc a un altere cosa:
Bertil e Piet dice que il es difficile leger mi messages. Mi lineas es troppo longe. Io ha nunc facite un parve cambio in le formato de mi proprie pagina sur le qual io scribe. Esque isto se lege melio?

Amicalmente

Kjell