Car voces de Radio Interlingua!
In le nocte inter le 31 de augusto e le prime septembre io audiva pro le
prime vice
le secunde emission (registrate le 25 de aug. al occasion del anniversario
de Simona...Mi
felicitationes!)  Mi congratulationes tamben pro le qualitate del emission.
Al previe essayos
auscultar lo le tertie "clip" mancava.  Le emission de proba io ha audite
nunc tante vices
que io lo sape (quasi) de memoria. Sol critica: pro le aures del majoritate
del radio-audi-
entes vos ambes parla un poco troppo rapidemente e le pronunciation de
"ce-, ci-, cy-"
es per convention nunc ben establite [tse-, tsi-, tsi-].
        Sed iste detalios es obscurate totalmente per le impression positivissime
de iste
prime resultato de vostre labor!   Nos es plus que contente.
        Un proxime passo possibile esserea que vos presenta vos e Interlingua
al Radio official de Romania pro emissiones in Interlingua per undas curte,
que attingerea
milliones.  Crede me, le mundo non sape multo de Romania hodie.
        Ante circa dece dies io inviava (a Simona pro le 25/8) le audio-cassetta
que contine le texto de mi curso INTERLINGUA - INSTRUMENTO MODERNE DE
COMMUNICATION INTERNATIONAL.  (Illo nunc es obtenibile in multe linguas:
danese, francese, germano, hungaro, norvegiano, portugese, romaniano, russo
e
- quasi preste - in polonese.) Per favor confirma que/si illo ha arrivate.
Mi experientias con le livrantia del posta in le paises ex-socialista es
mal. (Ancora
plus mal illos esseva ante le cadita del communismo. Quasi nihil arrivava.)
        Saluta amico Toma Macovei, e dice le quanto nos omnes appreciava haber
le inter nos in Strasbourg - gratias a vos!
Salutes amical de Ingvar a vos e le gruppo INTERLNG