d[990530] x[Allan Kiviaho] KivA-95Ua
s[De adverbiis pronominalibus localibus Latinis]

Estimate latinistas!

Le 1998-11-28 habeva loco le prime disputation
doctorari in latino in le historia del Universitate
de Jyväskylä, Finlandia Medie.

Palmén Erkki. De adverbiis pronominalibus localibus
Latinis studia semantica et syntactica. Dissertation
981128.

Le disponente era prof. Birger Bergh ex le
Universitate de Lund, Svedia.

Como custode ageva prof. Tuomo Pekkanen, uno del
redactores de "NUNTII LATINI".

In su dissertation Erkki Palmén ha analysate le plus
grande material de exemplos pro trovar como extensive
era le uso abstracte del adverbios local in le
litteratura de Roma de antique. Anque in vetule Roma
un jornal era publicate, le "Acta diurna".

Comparativemente le plus grande numero de exemplos
son trovabile in le plus ancian comedias. Sed etiam
in le litteratura classic un recercator pote facer
surprendente multe nove trovatas. A interpreter illos
demanda un solide possession de lingua e le
cognoscentia de circumstantias de antique.
Specialmente grande problemas causa le inconsistentia
del frontiera de significantias de adverbios proprie e
abstracte.

Preterea on recerca in lineas general, a qual
extension on pote constatar que le phenomena
correspondente in italiano e francese ha developpate
ex latino.

Le previe dissertation in latino era examinate in le
Universitate de Jyväskylä in 1983, sed le disputation
ipse era facite in finnese. Le ultime disputation in
latino habeva loco in 1930 in le Universitate de
Helsinki.

In le Academia de Åbo, que era fundate in 1640, quasi
omne dissertationes era latin. Ancora in le previe
seculo i.a. Elias Lönnrot disputava in latino super
Väinämöinen.

Usque 1950 le numero del dissertationes latin in
Finlandia era 4748. Ancora tunc le majoritate del
omne dissertationes in Finlandia era latin.

Informationes: Erkki Palmén, os. Välikatu 4 A 1, 40700
Jyväskylä; tel. (014) 617 321.

Erkki Palmén es nascite in 1932-05-17 in Helsinki.
Ille deveniva studente 1950 e candidato de
philosophia 1957, magistro 1958 e licentiato 1995 in
le Universitate de Jyväskylä.

Ille ha essite i.a. un lector de latino in le
Universitate de Jyväskylä 1962--1997. Pensionate.

------------ o0o ------------

Io crede que uno del plus efficiente methodos de
divulgar interlingua es a "vincer" alicun latinistas
eminente pro interlingua.

Iste dr. Palmén certo esserea un bon objecto.

Favete linguis! Favete interlingua!

Allan